Media icmalı-04.09.2023

Ölkədə bu gün dəmir yolu xətti üzrə reyslərin sayının artırılması, Fransanın Azərbaycana qarşı münasibəti, Erkin Qədirlinin Fransanın Qafqaz siyasəti haqqında fikir bildirməsi, quşçuluq məhsullarının idxalına qadağa qoyulan ölkələr bu gün (04.09.2023) üçün əsas müzakirə olunan mövzulardan olub.

525-ci qəzet saytında yayımlanan “ADY Abşeron dairəvi dəmir yolu xətti üzrə reyslərin sayını artırıb” sərlövhəli yazıda artırılan reyslər haqqında yazılıb. Müəllifin sözlərinə görə 2023-2024-cü tədris ilinin başlanması ilə əlaqədar Bakı-Xırdalan-Sumqayıt marşrutu üzrə səhər saatlarında 2 reys, axşam saatlarında 1 reys, Bakı-Pirşağı-Sumqayıt marşrutu üzrə isə axşam saatlarında 1 reys əlavə edib. Müəllif qeyd edib ki, sentyabrın 8-dən Abşeron dairəvi dəmir yolu xətti üzrə hərəkət edən şəhərətrafı sürət elektrik qatarları yenilənmiş hərəkət qrafiki üzrə fəaliyyət göstərəcək. Əlavə olaraq yazıda gələn ilin əvvəlində ümumilikdə 10 yeni sürətli sərnişin qatarının ölkəyə gətirilməsi Abşeron dairəvi dəmir yolu xətti üzrə əlavə reyslərin təyin edilməsində önəmli dəstək göstərəcəyi qeyd olunub.

“Parisi zibildən təmizləmək əvəzinə Xankəndiyə soxulmağa çalışan mer...” sərlövhəli yazıda Fransanın Azərbaycanan – Ermənistan sülh prossesinə ziyan vurması haqqında danışılıb. Müəllif yazıda Fransanın Afrikadakı hakimiyyəti itirdikdən sonra diqqətini Cənubi Qafqaza verdiyini vurğulayıb.  Müəllif Faransanın Azərbaycan- Ermənistan münaqişəsində danışıqlarda ciddi zərbə vurduğunu qeyd edib. Daha sonra müəllif fransanın Tır təribatının sülhə ziyan vurmasını qeyd edib. Müəllifin sözlərinə görə  Paris şəhərinin meri Ann İdalqonun səfəri ilə bağlı bu ölkənin Bakıdakı səfiri Xarici İşlər Nazirliyinə çağırılıb. Mer daxil olmaqla Fransanın bir neçə şəhərinin rəhbər şəxslərinin müşayiəti ilə "humanitar yük" adı altında "Laçın" sərhəd-buraxılış məntəqəsi istiqamətinə nəqliyyat vasitələrinin göndərilməsi və həmin şəxslər tərəfindən Azərbaycana qarşı təxribatçı bəyanatlar səsləndirilməsi ilə bağlı XİN-in etiraz notası səfirə təqdim edilib.

Müəllif sonda qeyd edib ki, rəsmi Bakı bəyan edib ki, Azərbaycan öz ərazisində boz nəzarətsiz bölgənin olmasına dözmək niyyətində deyil. Qeyri-qanuni rejim buraxılmalı və tərksilah olunmalıdır. Bu, qəti və dəyişməz, eyni zamanda haqlı, beynəlxalq hüquqa əsaslanan mövqedir. Heç bir güc, təzyiq bu həqiqəti dəyişə bilməz.

Jamnews saytında yayımlanan “Niyə Fransa bizim regionda başqa cür deyil, məhz belə davranır?” Bakıdan baxış” sərlövhəli yazıda Fransanın davranışları və mövqeyi haqqında yazılıb. Bu haqda deputat Erkin Qədirli danışıb. Müəllifin sözlərinə görə Fransa Ermənistanın ənənəvi müttəfiqlərindən biridir. Fransa rəsmilərinin rəsmi Bakıya üz tutmadan Laçın keçid məntəqəsi vasitəsilə Qarabağın erməni əhalisinə humanitar yardım çatdırmaq cəhdi Azərbaycanda hiddətə səbəb olub.

“Fransa Britaniya ilə qarşıdurmada öz maraqlarını güdür. Bu, Fransanın strategiyasıdır. Bu strategiyanın hətta adı da var – “Faşoda sindromu”. Afrikada keçirilmiş uğursuz hərbi avantüraya görə belə adlandırılıb. 19-cu əsrin sonlarında fransızlar İngiltərənin nəzarətində olan Sudanın cənubunu – Faşoda qəsəbəsini zəbt edirlər, sonra isə döyüşmədən biabırçı şəkildə geri çəkilməyə məcbur olurlar.

O vaxtdan bəri “Faşoda sindromu” Fransanın Britaniyaya qarşı siyasətində əsas müəyyənedici amil olub. Qısaca onu belə formalaşdırmaq olar – İngiltərəni dünyanın heç bir yerində tək qoymamaq. Harada Britaniya varsa, Fransa da orada olmalıdır”- Erkin Qədirli

Trend.az saytında yayımlanan “Bu ölkələrdən quşçuluq məhsullarının idxalına məhdudiyyət qoyulub” sərlövhəli yazıda məhdudiyyət qoyulan ölkələr və səbəbləri açıqlanıb. Müəllifin sözlərinə görə Ümumdünya Heyvan Sağlamlığı Təşkilatının rəsmi məlumatlarına əsasən, Rusiya Federasiyasının Tatarıstan Respublikasında və Ekvador Respublikasının Quayas əyalətində yüksək patogen quş qripi xəstəliyi qeydə alınıb. Müəllif qeyd edib ki, Rusiya Federasiyasının Tatarıstan Respublikasında, habelə Ekvador Respublikasının Quayas əyalətində, zonalaşma prinsipi nəzərə alınmaqla 10 kilometr radiusdakı məsafədə yerləşən müəssisələrdən quşçuluq məhsullarının, yemlərin, kəsim və emal üçün istifadə olunan avadanlıqların idxalına müvəqqəti məhdudiyyət tətbiq edilib.