Dövlət Təhlükəsizliyi Xidməti: Azərbaycan ordusunun yerdəyişmələri haqda videokadrların yayılması hüquqi məsuliyyət yaradır

Bakı/06.09.23/Turan: Azərbaycan Dövlət Təhlükəsizliyi Xidməti məlumat yayaraq istifadəçiləri Azərbaycan Silahlı Qüvvələrilə bağlı videomaterialları yaymamağa çağırıb.

Məlumatda qeyd olunur ki, son günlər telegram- kanalların Ermənistan xüsusi xidmət orqanları ilə əlaqəli olan seqmentində Azərbaycan ordusunun hərbi birləşmələri, onların dislokasiyası, yerdəyişmələri, döyüş və səfərbərlik hazırlığı, silahları, hərbi texnikası barədə videokadrların çəkilib sosial şəbəkələr vasitəsilə yayılmasına təhrik edən çağırışlar yer alır.

Dövlət Təhlükəsizliyi Xidməti bu məsələni nəzarətə götürüb və analoji hərəkətləri etməyə təşəbbüs göstərən şəxslərin barəsində zəruri tədbirlərin görülməsi təmin ediləcək.

“Ölkəmizin milli təhlüsizliyinə və müdafiə qabiliyyətinə ciddi ziyan vuran, Azərbaycan Respublikası Silahlı Qüvvələrinə aid və dövlət sirri təşkil edən məlumatları özündə ehtiva edən videoçəkilişləri apararaq yaymaq qətiyyən yolverilməzdir. Vətəndaşları belə əməlləri etməkdən çəkinməyə çağırırıq”, - məlumatda deyilir.

Qeyd olunub ki, hüquqazidd hərəkətlərə qəsdən yol verilməsi dövlət sirrini yayma, bəzi hallarda isə dövlətə xəyanət cinayət əməllərinin törədilməsi şübhəsi üzrə araşdırma predmeti kimi çıxış edir və müvafiq hüquqi məsuliyyət tədbirlərinə səbəb olur.06В