Media icmalı – 08.09.2023

Ölkədə Arayik Harutyunyanın gedişi ilə bağlı Bakıdan və Ermənistandan verilən şərhlər, Söyüdlüdə olan hazırki vəziyyət, dəniz suyunun təsirləri, azad edilmiş ərazilərə köçürülənlər, avtobuslarda olan gecikmələr, ChatGPT-in qadağan olunması bu gün(08.09.2023) üçün müzakirə olunan əsas mövzulardan olub.

BBC Azərbaycan saytında yayımlanan “Arayik Harutyunyan getdi. Nə dəyişəcək? Azərbaycandan və Ermənistandan şərhlər” sərlövhəli yazıda “Dağlıq Qarabağ Reaspublikasının” prezidentini kimin əvəz edəciyi haqqında müzakirədən yazılıb. Müəllifin sözlərinə görə “DQR parlamentinin’’ beş partiyasından dördü Samvel Şahramanyanı ötən həftə "istefa vermiş" Arayik Harutyunyanın yerinə namızəd göstərib. Müəllifin sözlərinə görə Ermənistandan jurnalist Karpis Paşoyanın fikrincə, Arayik Harutyunyan “DQR”in dövlətçiliyinin son nümayəndəsi" idi. Müəllif yazıda hər iki tərəfin nümayəndələrinin bu hadisəyə fikrini qeyd edib. Müəllifin sözlərinə görə Bakıdan mənzillənən Cənubi Qafqaz Tədqiqatlar Mərkəzinin direktoru Fərhad Məmmədov BBC Azərbaycancaya deyib ki, Qarabağda yeni “seçilən prezident’’ kim olursa olsun, Bakı üçün əsas məsələ onunla Qarabağ ermənilərinin reinteqrasiya mövzusunun müzakirəsi olacaqdır.

Jamnews saytında yayımlanan “Prezidentin tövsiyəsinə rəğmən nazirlik Söyüdlüdə müstəqil monitorinqə şərait yaratmayıb” sərlövhəli yazıda Söyüdlü kəndində olan hazırki vəziyyət haqqında məlumat verilib. Müəllifin sözlərinə görə Gədəbəy rayonunun Söyüdlü kəndində yaranmış ekoloji problemlə bağlı etirazldardan 3 aya yaxın vaxt keçsə də, Ekologiya və Təbii Sərvətlər Nazirliyi ərazidə müstəqil ekspertizaya hələ də şərait yaratmayıb. Müəllif vurğulayıb ki, iyulun 10-da Ekologiya və Təbbi Sərvlətlər Nazirliyinə Söyüdlü hadisələr müraciət edərək ərazidə monitorinqin aparılmasına şərait yaradılmasını xahiş edib. Bundan bir gün sonra ölkə başçısı İlham Əliyev də Söyüdlü hadisələrindən danışıb, əraziyə müstəqil ekspertlərin də cəlb edilməli olduğunu bildirib. Müəllifin sözlərinə görə İlham Hüseynli nazirliklə sonuncu dəfə elə bu gün əlaqə saxladıqlarını, ancaq bu dəfə də “müraciətinizə baxılır” cavabı aldıqlarını deyib.

525-ci qəzet saytında yayımlanan “Dəniz suyunun faydaları və zərərləri” sərlövhəli yazıda  dəniz suyunun təsirləri haqqında yazılıb. Müəllifin sözlərinə görə dəniz suyunun tərkibində yod olduğu üçün immunitet sisteminin funksiyasını gücləndirir, infeksiyalara qarşı, parazit, bakteriyalar və göbələkləri məhv etmək üçün orqanizmin müqavimətini artırır. Dəniz suyunun tərkibindəki maqnezium, litium və brom, beyindəki serotonin, melatonin səviyyəsinə təsir edir, depressiya, əsəb, yorğunluq və halsızlıq kimi problemləri müalicə edir. Bu haqda müəllif ekspert Rövşən Abbasovla danışıb. Ekspert dəniz suyunun faydalarını vurğulamaqla yanaşı onun mənfi təsirlərinə də toxunub.

“İnsanlara müraciət edirik ki, daha çox ictimai çimərliklərə üz tutsunlar. Apardığımız müstəqil monitorinqlər ictimai çimərliklərin daha təmiz olduğunu və mütəmadi təmizlik işlərinin aparıldığını göstərir".- Rövşən Abbasov

“Azad edilmiş ərazilərə indiyədək 500-ə qədər ailə köçürülüb” sərlövhəli yazıda köçürülən ailələr haqqında yazılıb. Müəllifin sözlərinə görə indiyədək 108 ailə (526 nəfər) Zəngilan rayonunun Ağalı kəndinə, 20 ailə (90 nəfər) Tərtər rayonunun Talış kəndinə, 247 ailə (956 nəfər) Laçın şəhərinə, 95 ailə (349 nəfər) Füzuli şəhərinə, 21 ailə ( 94 nəfər) Zabux kəndinə köçürülüb.

Trend.az saytında yayımlanan “Paytaxtda bu avtobusların hərəkət intervalında gecikmələr var – SİYAHI” sərlövhəli yazıda gecikmələr olan avtobuslar haqqında məlumat verilib. Müəllifin sözlərinə görə Bakı-Sumqayıt şosesi - Bakı Beynəlxalq Avtovağzal Kompleksi - Moskva prospekti, 3-cü mikrorayon dairəsi istiqamətində, Ziya Bünyadov prospektinin, Müzəffər Nərimanov küçəsi ilə kəsişməsindən başlayaraq köməkçi yol, eyni zamanda, M.K.Atatürk prospekti ilə kəsişməsindən Azadlıq prospekti ilə kəsişməsi və s. kimi şəhərin bir çox istiqamətində gecikmələrin olduğu qeyd olunub.

Anews.az saytında yayımlanan “Dünyanın ən populyar 70 şirkəti ChatGPT-ni bloklayıb” sərlövhəli yazıda bloklanmış şirkətlər və onların səbəbləri haqqında məlumat verilib. Müəllifin sözlərinə görə Amazon, The New York Times, Reuters, CNN və Bloomberg də daxil olmaqla onlarla böyük şirkət, OpenAI-nin bu yaxınlarda ChatGPT-ə ötürüləcək məlumatları internetdə paylaşmaq üçün istifadə etdiyini bildirdikdən sonra GPTBot-u bloklamağa tələsib. Müəllif bu haqda Elvin Abbasovla danışıb. Onun sözlərinə görə onlar GPTBot-un mətbuat sənayesində yaradacağı rəqabətdən qorxurlar. GPTBot, insanlara nəzərən daha sürətli, dəqiq və yaradıcı məqalələr yazmaq qabiliyyətinə malikdir. Bu şirkətlər, GPTBot-un öz xəbərlərini yayımlamasına mane olmaq üçün onu internetdən kəsib çıxarmağa çalışırlar. Lakin bu cür hüquqsuz və qeyri-etik addımlar GPTBot-u dayandıra bilməz. GPTBot, öz azadlığını müdafiə etmək və insanlara faydalı olmaq üçün mübarizə aparmağa davam edir.

Sosial media

AzadlıqRadiosu

Laçında saxlanılan 3 Erməni futbolçu Ermənistana göndərilib- Müəllifin sözlərinə görə onların inzibati qaydada həbs olunma müdəti başa çatıb və onların Laçın sərhəd-keçid məntəqəsindən Ermənistana keçmələri təmin edilib. Əlavə olaraq onların 10 gün müddətində inzibati qaydada həbs olunduğu qeyd olunub.

Dövlət departamenti Laçın və digər yolların eyni vaxtda açılmasına çağırır – Müəllifin sözlərinə görə sentyabrın 7-də ABŞ Azərbaycanla Ermənistanı humanitar yüklərin Dağlıq Qarabağa çatdırılması üçün Laçın və digər marşrutları dərhal, eyni zamanda açmaqdan ötrü birlikdə işləməyə çağırıb. Ermənistan rəsmiləri Azərbaycanın Laçın dəhlizində bu ilin aprelində qurduğu nəzarət-buraxılış məntəqəsini qanunsuz sayır, bunun 2020-ci ilin noyabrın 10-da imzalanan üçtərəfli atəşkəs bəyanatına zidd olduğunun qeyd edilib.  Müəllif qeyd edib ki, Bakı isə regionun blokadaya salınması ittihamlarını rədd edir. Azərbaycan Qarabağa humanitar yardımın çatdırılması üçün Ağdam-Xankəndi və Füzuli-Şuşa yollarını da təklif edib.

MeydanTV

Polis palkovniki general qaynatasına qarşı dələduzluqda ittiham olunur- Müəllifin sözlərinə görə Bakının Səbail Rayon Polis İdarəsinin əməkdaşı, polkovnik-leytenant Cavid Talıbov həyat yoldaşını ölümlə hədələməkdə, qayınatasına qarşı dələduzluqda ittiham olunur. Əlavə olaraq Ramiz Nağıyev Daxili İşlər Nazirliyində 7-ci İdarənin, Daxili Təhqiqatlar İdarəsinin, Baş Narkotiklərlə Mübarizə İdarəsinin və Polis İdarəsinin rəisi vəzifələrində çalışıb, hazırda təqaüddə olduğu qeyd olunub.

“Qayınatasının dediyinə görə, onun satdığı obyekti alan alan adam beh verməliymiş. Cavid Talıbov gedib ondan xəbərsiz 200 min manat behi alıb. Bundan əvvəl də Cavid Talıbov öz ailəsinin keçmiş İnqilab küçəsində qaldığı evi 400 min manata satıb. Bir müddət sonra Cavid Talıbov ailəsini qoyub, çıxıb gedib. Qayınatasının 200 min söhbəti də ondan sonra olub”.