Media icmalı-12.08.2023

Ölkədə Azərbaycan neftinin bahalaşması,post müharibə dövründə xidmət göstərilən şəhid ailələrinin və müharibə iştirakçılarının sayı, insanların öz sağlamlığını qorumaq üçün əməl etməli olduğu normalar, FHN keçirdiyi təlim bu gün (12.08.23) üçün gündəm mövzulardan olub.

Anews.az saytında yayımlanan “Azərbaycan nefti cüzi bahalaşıb” sərlövhəli yazıda neftin hazırdakı qiyməti haqqında məlumat verilib. Müəllif qeyd edir ki, dünya bazarında "Azeri Light" markalı Azərbaycan neftinin 1 barelinin qiyməti 0,21 ABŞ dolları, yaxud 0,2 % artaraq 91,40 ABŞ dolları təşkil edib. "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alındığını vurğulayıb. Azərbaycanda neft əsasən "Azəri-Çıraq-Günəşli” (AÇG) yataqlar blokunun işlənməsi haqqında müqavilə çərçivəsində hasil olunduğu qeyd olunub.

525-ci qəzet saytında yayımlanan “Postmüharibə dövründə xidmət göstərilən şəhid ailəsi üzvləri və müharibə iştirakçılarının sayı açıqlanıb” sərlövhəli yazıda şəhid ailələri üzvləri və müharibə iştirakçıları ilə bağlı genişmiqyaslı sosial dəstək paketi haqqında yazılıb. Bu prosess Əmək və Əhalinin Sosial Müdafiəsi nazirliyi tərəfindən icra olunub. Müəllif qeyd edir ki, Postmüharibə dövründə qeyd olunan sosial dəstək paketi 124 min şəxsi əhatə edərək, onlara dəstək yönümlü 300 min xidmət göstərilib. Paketin içərisinə sosial-psixoloji yardım, reabilitasia xidməti, mənzillə təminat, ödənişlər və s. kimi xidmətlərin daxil olduğu qeyd olunub.

“FHN təlim keçirib, nöqsanlar aşkarlanıb” sərlövhəli yazıda  təlim zamanı aşkarlanan vəziyyət haqqında danışılıb. Müəllif qeyd edir ki, təlim zamanı yanğın avtomobili yaşayış binasına sərbəst şəkildə yaxınlaşıb şərti döyüş açılışı edərkən təzyiqin yanğın su hidrantında və daxili yanğın su kranlarında normativ tələblərə uyğun olmadığı müəyyən edilib. Bundan əlavə, binanın ilkin yanğınsöndürmə vasitələri ilə tam təmin olunmadığı, daxili yanğın su kranlarının tam komplektləşdirilmədiyi, qəza-işıqlandırma sisteminin olmadığı, elektrik təsərrüfatının “Elektrik qurğularının quraşdırılması Qaydaları”nın tələblərinə cavab vermədiyi, yanğın xəbərverici siqnalizasiya qurğusunun işlək vəziyyətdə olmadığı müəyyən olunub. Təlimin Bakı şəhəri, Nizami rayonu, Özbəkistan küçəsi, 1 ünvanında yerləşən “Yeni ev” MTK-ya məxsus çoxmərtəbəli yaşayış kompleksində təlim keçirildiyi qeyd olunub.

BBCAzərbaycan saytında yayımlanan “Sağlamlığı möhkəmlətmək üçün gündə 5000-dən də az addım kifayət edir” sərlövhəli araşdırma yazısında  sağlam olmaq üçün gündəlik gəzinti müddətinin yenidən araşdırılması haqqında yazılıb. Bu araşdırmanı Polşanın Lodz Tibb Universiteti və ABŞ-ın Johns Hopkins Universiteti Tibb Fakültəsindən olan elmi qrupunun etdiyi qeyd olunub. Müəllif qeyd edir ki, araşdırmaya əsasən müasir dərmanların sayı artsa da, onların  qəbulu yeganə müalicə yolu deyil. Yazıda qeyd olunub ki, dükana avtomobildə yox, piyada getmək və ya avtobusdan bir neçə dayanacaq erkən düşmək fərq yaratmaq üçün kifayətdir.

Təlimatçı-məşqçinin gəzinti üçün məsləhətləri:

1)Avtobus və ya avtomobillə hərəkət etməkdənsə piyada gedin

2)Ofisdə işləyirsinizsə, hər saatdan bir ayağa qalxıb gəzişin

3)Hamilə qadınlar üçün ən yaxşı idman gəzintidir

4)Hər gün 30 dəqiqəlik gəzintiyə çıxın

5)Dostlarınızla parkda və ya meşə cığırlarında gəzin

Kiçik gəzintidən başlayın - əvvəlcə 10 dəqiqəlik piyada gəzintisindən başlayın, sonra onu 20 və daha sonra isə 30 dəqiqəlik gəzintiyə çatdırın.