Media icmalı-19. 07.2023

Azərbaycanın Qazaxıstana ixracı, Moskvanın sülhə yanaşması, mövqelərimizin atəşə tutulması mediada gündəm mövzulardan olub.

“525-ci qəzet” saytında “Azərbaycanın Qazaxıstana ixracı 3 dəfəyə yaxın artıb” sərlövhəli məqalədə 2023-cü ilin yanvar-iyun aylarında Azərbaycanın Qazaxıstana ixracı 60 milyon 180 min dollar təşkil etdiyi bildirilir. Müəllif Dövlət gömrük komitəsinə istinadən yazır ki, bu göstərici ötən ilin ilk 6 ayı ilə müqayisədə 2.6 dəfə və ya 36 milyon 956 min dollar çoxdur. “2022-ci ilin müvafiq dövründə Azərbaycandan Qazaxıstana 23 milyon 224 min dollar dəyərində məhsul ixrac edilib”.

“Moskva sülh istəmir...” sərlövhəli məqalədə müəllif bununla bağlı Rasim Musabəyovla müsahibə edib. Müsahibədə əsas mövzu İyulun 15-də Brüsseldə Azərbaycan-Ermənistan münasibətlərinin normallaşmasına dair üçtərəfli görüşün keçirildiyi zaman Rusiya Xarici İşlər Nazirliyinin yaydığı bəyanat olub. Ermənistanın Qarabağı Azərbaycan ərazisinin bir hissəsi kimi tanıdığı vurğulanan bəyanatda deyilir: "2022-ci ilin oktyabrında və 2023-cü ilin mayında Avropa İttifaqının himayəsi altında keçirilən sammitlərdə Ermənistan Qarabağı Azərbaycan ərazisinin tərkib hissəsi kimi tanıdı. Biz Ermənistan rəhbərliyinin suveren qərarına hörmətlə yanaşırıq, lakin bu, 2020-ci il 9 noyabr atəşkəs bəyanatının şərtlərini və bölgədə yerləşən Rusiya sülhməramlı kontingentinin statusunu əsaslı şəkildə dəyişdirir".

Milli Məclisin deputatı Rasim Musabəyov mövzu ilə bağlı deyib ki, Kreml hər zaman Qarabağı Azərbaycanın tərkib hissəsi kimi tanıyıb və görünür ki, bunu Rusiya Xarici İşlər Nazirliyinin yadına salmaq lazımdır: "Necə oldu ki, birdən-birə Ermənistanın Qarabağı tanıyıb-tanımaması məsələsi ortaya atılır? Rusiya XİN-in məlum bəyanatını yanlış yanaşma və riyakarlıq hesab edirəm".

Sosial şəbəkələr

Sosial şəbəkələrdə Füzuli Adıgözəlovun bəraət alması ilə bağlı qərar, Gültəkin Əsgərovanın anım günü, Sumqayıtda aşkar edilən partlayıcılar, Kəlbəcər və Culfa istiqamətində atəşə tutulan mövqelərimiz, Zahid Niftəliyevin həbsi,18 iyul uşağını zibilliyə atan ana ilə bağlı açıqlama, Şirvanda binanın altında qalma təhlükəsi ilə yaşayan insanlar, Prezident İlham Əliyevin Özbəkistanın Baş naziri Abdulla Aripovu qəbul etməsi, Qarabağdakı ermənilər Ağdam-Xankəndi yolunu bağlayıblar, Azərbaycanda Məhərrəm ayının başlanması mövzuları əsas müzakirə olunan mövzulardır.

Baku.es- Füzuli Adıgözəlovun bəraət qərarı ləğv edildi.

Külli miqdarda mənimsəmədə və vergidən yayınmaqda təqsirli bilinərək 10 il azadlıqdan məhrum edilmiş “Güllübulaq” MMC-nin təsisçisi Füzuli Adıgözəlovun bəraət alması ilə bağlı qərardan verilmiş protestə baxılıb.

Ali Məhkəmədə keçirilən iclasda dövlət ittihamçısı çıxış edib. Prokuror bəraət qərarının ləğv edilməsini, işin yeni apellyasiya baxışına təyin edilməsini xahiş edib. Hakim Əziz Seyidovun sədrlik etdiyi hakimlər heyəti tərəflərin münasibətini öyrəndikdən sonra prokurorun protestini əsaslı sayıb. Qərara əsasən F.Adıgözəlov barəsindəki bəraət qərarı ləğv edilib, iş yenidən baxılması üçün apellyasiya məhkəməsinə qaytarılıb.

Bu gün  Azərbaycanın milli qəhrəmanı Qarabağ müharibəsi şəhidi Gültəkin Əsgərovanın anım günüdür- O, 1992-ci il mayın 8-də Şuşanın işğalından sonra şəhəri sonuncu tərk edənlərdən biri olub. 1992-ci il 19 iyul tarixində şəhidlik zirvəsinə yüksəlib.  Qeyd edilir ki, xanım Milli Qəhrəman ailəli olub.

İyulun 14-ü təşkil olunmuş Azərbaycan dili və ədəbiyyat fənni üzrə test imtahanlarında 29-cu tapşırıq etibarsız sayılıb -

Bu barədə Elm və Təhsil Nazirliyinin İnsan Resursları Mərkəzi məlumat yayıb. Qeyd olunub ki, namizədlərin apellyasiya müraciətlərinə əsasən, suallar ekspertlər tərəfindən yenidən yoxlanılıb: “Nəticədə 29-cu tapşırıqda bəhs edilən əsərin adının çərçivə sənədinə daxil olan əsərlər siyahısında yer almadığı aşkar olunub. Bu səbəbdən 29-cu tapşırıq etibarsız sayılıb.

Kəlbəcər və Culfa istiqamətində mövqelərimiz atəşə tutulub - İyulun 18-i saat 21:15 radələrində Rusiya sülhməramlılarının müvəqqəti yerləşdiyi Azərbaycan ərazisindəki qeyri-qanuni erməni silahlı dəstələri Azərbaycan Ordusunun Ağdam rayonu istiqamətində yerləşən mövqelərinin qarşısında uzunmüddətli fortifikasiya qurğularını quraşdırmağa cəhd göstəriblər.

Sumqayıtda 80 ədəd top mərmisi, xeyli sayda partlayıcılar aşkar edilib - Fövqəladə Hallar Nazirliyinin “112” qaynar telefon xəttinə Sumqayıt şəhəri, Kimyaçılar qəsəbəsi ərazisində hərbi sursatların aşkar edilməsi barədə məlumat daxil olub.

FHN-dən verilən xəbərə görə, məlumatla əlaqədar dərhal FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib. Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış zamanı aşkar edilən sursatların növləri və sayları müəyyən edilib.

MN-nin sabiq əməkdaşı “Şlyapa Zahid” ləqəbi ilə tanınan Zahid Niftalıyev həbs edilib- Dövlət Təhlükəsizliyi Xidmətində aparılan cinayət işi üzrə müstəntiqin vəsatəti əsasında 18 iyul 2023-cü ildə Bakı şəhəri Səbail rayon məhkəməsinin hakimi Ülviyyə Şükürovanın qərarı ilə Niftəliyev Zahid Gülsəfa oğlu barədə həbs qətimkan tədbiri seçilib.

Baku TV

Şirvanda binanın altında qalmaq təhlükəsi ilə yaşayan 16 ailə- Video materialda binada yaşayan əhali yağış yağarkən evlərinin məhv olma təhlükəsindən danışır.  Bu barədə Kommunal Kombinatı Müəssisəsinin rəisindən açıqlama alınıb. Xanəli Əzizov gələn ilə təmir olunacağını bildirib.

Prezident İlham Əliyevin Özbəkistanın Baş naziri Abdulla Aripovu qəbul etməsi – Görüş zamanı  Özbəkistan və Azərbaycan münasibətləri müzakirə olunub. Baş Nazir Azərbaycanın ərazi bütövlüyü və  orta dəhlizin əhəmiyyəti vurğulanıb.

Bbcazeri- Qarabağdakı ermənilər Ağdam-Xankəndi yolunu bağlayıblar

Qarabağdakı ermənilərin çərşənbə axşamı Azərbaycandan gələn beynəlxalq yardımları qəbul etməmək üçün “Əsgəran-Ağdam yolunu bağladıqları” barədə sosial mediada xəbərlər yayılıb.

“Şayiələr yayılıb ki, Bakıdan gələn humanitar yardım maşınları Ağdamdan keçməklə Stepanakert istiqamətində hərəkət edirlər”, - Qarabağda fəaliyyət göstərən müstəqil jurnalist Marut Vanyan çərşənbə axşamı paylaşdığı Twitter postunda bildirib. Jurnalist iddia edib ki, şəkildə göstərilən mülki şəxslər “məhz Bakıdan gedən yardımlara” etiraz olaraq yolu bağlayıblar.

Rəsmi Bakının Xankəndinə hər hansı humanitar yardım göndərməsi ilə bağlı məlumat yoxdur.

Ermənistanda yerli medianın yaydığı məlumatlara görə, erməni əsilli rusiyalı milyarder Ruben Vardanyanın rəhbərlik etdiyi “Artsaxın İnkişaf və Təhlükəsizlik Cəbhəsi”nin üzvləri Ağdamdan Xankəndinə gedən yolu beton plitələrlə bağlayıblar.

Xəber.az

Azərbaycanda Məhərrəm ayının başlanması - Azərbaycanda Məhərrəm ayı başlayıb. Hicri-qəməri təqvimi ilə Məhərrəm ayı başlayıb. Miladi təqvimlə iyulun 19-u Məhərrəm ayının ilk günüdür. İyulun 28-də isə Aşura günüdür. Məhərrəm ayı avqustun 17-də başa çatacaq. Növbəti gün, avqustun 18-i Səfər ayı başlayır və sentyabrın 16-da bitir. Hər il olduğu kimi, bu il də Aşura günü qanvermə aksiyaları keçiriləcək. Yazıda qan vermə aksiyalarının keçiriləcəyi məkanlar qeyd olunub.