Media-Monitorinq 02.02.16

“Azadlıq” qəzeti etiraz aksiyalarının artıq “Moskva” univermağı və Sumqayıtda “Karvan” ticarət mərkəzlərinə keçdiyini, icarədarların icarə haqlarının çox olmasına etiraz etdiklərini bildirir.

Sosial yaşam tərzinin ağırlığının sübutu kimi Maştağada “Xəyal” firmasının yanında “qul bazarı”nın yarandığı, bunların arasında hamilə qadınların belə olduğu deyilir.

Qırğızıstanda dollarla kredit borclarının  köhnə məzənnə ilə ödənilməsinə qəzet “Kasıb Qırğızıstan qədər də olmadıq” deyə Azərbaycan rəhbərliyinə münasibətini ifadə edir.

“Exo”  tibb fəaliyyətilə qanunsuz məşğul olmağa görə cəzaların sərtləşdirilməsini önə çəkir.

“Novoe Vremya” ölkənin kredit reytinqləri endiyinə görə rəsmi Bakının beynəlxalq maliyyə qurumlarından kredit almasının sual altına düşdüyünü yazır.

“Yeni müsavat” iqtidarın Qərblə yeni strategiya qurmağa çalışdığını, ATƏT-in Bakı ofisinin bərpa ediləcəyini, beynəlxalq qurumlarla münasibətlərin tənzimlənməsinə bəzi QHT-lərin də cəlb ediləcəyini bildirir.  

Dövlət başçısının açıqlamalarına baxmayaraq, məmurların yenə də sahibkarlardan haqq almalarına deputat Fazil Mustafa qəti etiraz edib və qəzet bunu “deputatların sahibkarları müdafiə etməsi” kimi dəyərləndirir.

“Bizim yol” devalvasiya sonrası ölkənin tikinti bazarında durğunluğun olduğunu bildirir, bazar iştirakçılarına isnadla hətta bütün sifarişlərin geri götürüldüyünü nəzərə çatdırır.

Keçən il Qəbələdə radikal ünsürlərin qətlə yetirdiyi Vahid Vahabovun cinayət işilə bağlı məhkəmə posesi başlayıb və bununla bağlı 8 nəfər mühakimə edilir.