«Sovetski» ərazisində köhnə evlərin söküntüsünə yenidən başlanılır

Yanvarın 30-da Yasamal Rayon İcra Hakimiyyətində Maliyyə Nazirliyi və Bakı meriyası nümayəndələrinin iştirakı ilə müşavirə keçirilib. Tədbir keçmiş “Sovetski” küçəsindən əhalinin köçürülməsinin növbəti mərhələsinə həsr olunub.

Rayon İcra Hakimiyyətindən Turan-a bildirilib ki, söhbət təxminən 200 evin söküntüsündən gedir ki, bu evlərdə də 1 min adam yaşayır.

Ev sahibləri ilə sakinlərə kompensasiya verilməsinə dair müvafiq sənədlər imzalanıb.

Qeyd edək ki, ümumi söküntü zonası bir neçə kvadrat kilometr ərazini əhatə edir və eyni zamanda bir neçə istiqamətdə aparılır.

Bakı meriyasındakı mənbələrin məlumatına görə, hazırda şəhərin mərkəzindən yuxarı hissəsinə (Dram Teatrından yuxarı) aparan küçənin genişləndirilməsi məsələsi həll olunur. Bundan əlavə, Nərimanov prospektinin (keçmiş “Sovetski”) bütün məsafələrdən genişləndirilməsi məsələsinə baxılır.

İnsan Hüquqları İnstitutunun məlumatına əsasən, hazırda iki problem var: verilən kompensasiyanın həcmi və 25 kv. metrədək kiçik evi olan şəxslərin yeni evlə təmin edilməsi.

Birinci halda devalvasiya nəzərə alınmaqla bir kv. metrə görə 1500 manat vətəndaşları qane etmir. İkinci halda kiçik sahə kompensasiyanın həcmini  azaldır ki, buna da heç birotaqlı ev almaq olmaz. Əvvəlki söküntü mərhələsində 25 kv. metr və bundan az sahəyə malik evi olan 200-ə yaxın ailə 2 otaqlı mənzil alıb. Çox güman ki, bu praktika davam etdiriləcək.-02В-