Media-Monitorinq 27.01.16

Rəsmi qəzetlər ölkənin yaşadığı böhranla bağlı real təhlil məqalələei dərc etmirlər. “Azərbaycan” və s. rəsmi qəzetlər ancaq dünən keçirilən konfransın materiallarını dərc etməklə kifayətləniblər.  

Mərkəzi Bankın rəhbəri Elman Rüstəmovun “dollarla kredit ğötürənlərə güzəşt maliyyə intizamını poza bilər” bəyanatını “Azadlıq” “hökumətin dollar krediti olanları yenə də aldatması” kimi dəyərləndirir.

Dollarla borcu olan vətəndaşlar isə qəzetə şərhlərində Mərkəzi Bankın bu mövqeyinə “hökumət nə vaxt xaqlı düşünüb ki?” reaksiyasını veriblər.

Almaniyanın “Deutche Velle” nəşri AŞPA sədri Pedro Aqramuntu Azərbaycan üzrə həmməruzəçisi olduğu vaxt “səxavətli hədiyyələr əvəzi bu ölkədə korrupsiyaya göz yummaqda” ititham edib.

Böyük Britaniyanın  “Financial Times” qəzeti neft gəlirləri azalan Azərbaycanda problemin yaşanması və bundan çıxış yolları çabalarına “Əliyev neft dalğalarında üzürdü, indi isə nabələd ərazidədir” mövqeyini ifadə edir.

Ölkəyə gətirilən çap məhsullarının əlavə dəyər vergisinə cəb edilməsinə “Azadlıq” qəzetinin redktoru Rahim Hacılı “bu verginin qüvvədə qalması qəzetin çapının dayanması ilə nəticələnə bilər” şərhini verib.

“Exo” yağan qarın qəzalara, nəqliyyatın hərəkətinin pozulmasına səbəb olduğunu bildirir və Bakı Şəhər İcra Hakimiyyətinin belə vəziyyətə hazır olmamasına işarə edir.

“Novoe Vremya” “Biz əvvəlllər də yazırdıq ki, müstəqil məhkəmə, siyasi səhnədə azad rəqabət olmadan iqtisadiyyat inkişaf etməyəcək, cəmiyyətdə real sabitlik, siyasi səhnədə fəallıq olmayacaq” deyə ölkənin inkişaf məqamlarını göstərir.

“2016-cı il dərin iqtisadi islahatlar ili olacaq” deyə “Bizim Yol” dövlət başçısı İlham Əliyevin dünən keçirilən konfransdakı bəyanatını önə çəkir.

“ÜDM təxminən 80, büdcənin 97, ixracın 98%-i Abşeronun payına düşür” deyən iqtisadçı Rövşən Ağayev bununla da rəsmi Bakının regionların inkişafı haqda proqramlarının faktiki iflasa uğradığını bəyan edir.

“Prezident məmurları bahalı maşınlardan düşürür, cəzalandırılacaqlar” “Yeni Müsavat” dövlət başçısı İlham Əliyevin məmurlara “NAZ-Lifan” avtomobilləri almaq “təklifi”ni belə dəyərləndirir.

“Yuxarıdakılar anlamalıdırlar ki, azadlıq yoxdursa inkişaf da olmayacaq”, keçmiş səfir Hikmət Hacızadə ölkənin indiki durumdan çıxması üçün insanlara azadlıq verilməsinin əsas şərt olduğunu vurğulayır.

Qəzet Mərkəzi Bankın rəhbəri Elman Rüstəmovun dollarla krediti olanlara güzəşt nəzərdə tutulmamasını “bu kateqoriya insanlara “qara xəbər” kimi təqdim edir.

Ekspertlərə görə, Azərbaycan maliyyə qurumlarının kredit reytinqləri düşdükcə beynəlxalq maliyyə institutları ya ölkəyə kredit verməyəcək, ya da çox ağır şərtlərlə verəcək.