Müsavatçı gənc Elvin Paşayev saxlanılıb. Bunu Turan-a vəkil Nemət Kərimli bildirib.
Vəkilin sözlərinə görə, E.Paşayev yanvarın 23-də saxlanılıb. Həmin vaxtdan yanvarın 25-nə kimi valideynləri övladları barəsində hüquq-müfahfizə oqranlarından məlumat ala bilməyiblər. Yanvarın 26-da Nərimanov Rayon Məhkəməsi E.Paşayevin barəsində 4 ay həbs qətimkan tədbiri seçib. Vəkil bildirib ki, E.Paşayevə narkotik maddə satışı ittihamı irəli sürülüb.
“Elvin sosial şəbəkədə də fəal idi, tənqidi yazılar yazırdı, digər tərəfdən iqtisadi vəziyyət ağırlaşır, hökumət bundan çıxış yolu tapmaqdansa ictimai-siyasi fəalları həbsə almağı “çıxış yolu” sayır, odur ki, bu həbs siyasi motvilidir”, - N.Kərimli qeyd edib.
Elvin Paşayev Müsavat Partiyası Qubadlı rayon təşkilatının və partiya gənclər təşkilatının üzvüdür. Sumqayıt sakinidir. Sumqayıt Dövlət Universitetinin məzunu, ixtisasca filoloqdur. “Hədəf” hazırlıq kursunda müəllim işləyir.
Gənclərin hakimiyyətin hədəfinə gəlməsi 2011-ci ildən bu yana vüsət alıb, ictimai NİDAçıların, fəal blogerlərin həbsləri buna nümunədir. Həmin tendensiya davam etməkdədir.-05B-
Cəmiyyət
-
Abşeron rayonundakı müəssisələrdən birində baş verən insident nəticəsində bir Hindistan vətəndaşı ölüb, digəri xəsarət alıb. Bu barədə yanvarın 13-də Azərbaycan Baş Prokurorluğu məlumat yayıb.
-
Yeni nəqliyyat proqramı çərçivəsində paytaxtın ekoloji cəhətdən təmiz, sürətli və birləşdirici ictimai nəqliyyat sistemi olaraq metropolitenin daha geniş əhatə dairəsinə malik olması hədəflənib.
-
Çərşənbə axşamı Bakıda hava şəraiti dəyişkən buludlu olacaq. Gündüz bəzi yerlərdə çiskinli olacağı ehtimalı var. Gecə və səhər bəzi yerlərdə duman olacaq. Şimal-qərb küləyi gündüz bəzi yerlərdə arabir güclənəcək. Havanın temperaturu gecə 2-6 dərəcə isti, gündüz 7-9 dərəcə isti olacaq. Nisbi rütubət 70-80% təşkil edəcək.
-
Azərbaycan Respublikasının Ekologiya və Təbii Sərvətlər Nazirliyinin Milli Hidrometeorologiya Xidməti yanvarın 13-nə olan hava proqnozunu açıqlayıb. Ölkə üzrə mülayim hava şəraiti gözlənilir.
Rəy yaz