Media-monitorinq 29.01.16

Rəsmi “Azərbaycan” qəzeti və s. ölkədə antiböhran tədbirlərinin həyata keçirilməsinin makroiqtisadi sabitliyi təmin etdiyini xüsusi vurğulayırlar.

Bundan əlavə, bu qəzetlər dövlət başçısı İlham Əliyevin mədəniyyət xadimlərinin təltif olunması haqda imzaladığı sərəncamların mətnlərini dərc ediblər.  

Davam edən böhran şəraitində rəsmi Bakının beynəlxalq maliyyə qurumları ilə danışıqlar aparması şərtlərinin məlum olmamasını “Azadlıq” qəzeti “hökumətin ölkəni borc bataqlığına sürükləməsi” kimi dəyərtləndirir.

 Beynəlxalq maliyyə qurumlarından kredit götürülə bilməsinə etirazla yanaşan ekspertlər “Əliyev komandasına niyə çağırış etmir, xaricdən borc almaq yox, daxildəki resursları işə salmaq lazımdır” bəyanatı səsləndirirlər.

“Belə ölkəyə kim investisiya yatırar?” deyə ekspertlər insan azadlıqları baxımından Azərbacanın adının “ən pislər” sırasında yer almasını vurğulayırlar. 

Milli Şura ölkədə insan haqlarının pozulmasına etiraz olaraq rəsmi Bakıdan ictimai-siyasi fəallara təzyiqləri dayandırmağı, həbsə alınan gəncləri dərhal azad etməyi tələb edir.

İnsan haqları baxımından Azərbaycanda vəziyyət daha da pisləşir və buna görə bəzi ekspetlər “Azərbaycanın pisləşən imici sanksiyaları daha da yaxınlaşdırır” xəbərdarlığı edirlər.

Maliyyə naziri Samir Şərifovun “Bank xeyriyyə cəmiyyəti deyil” bəyanatını qəzet “dollar krediti olanlara güzəşt edilməyəcəyi kimi” şərh edirlər.

Mənzil bazarında iqymətlərin düşdüyünü deyən maklerlər bununla belə bazarda müştəri olmadığını bildirirlər.

“Məktəblərdə qiymətlər şişirdilir” deyən TQDK sədri Məleykə Abbaszadənin bəyanatını diqqətə çatdıran “Ekspress” qəzeti sədrə isandən əlaçı abituriyentlərin 20 nəfərinin 0-100 bal topladığını bildirir.

“Azərbaycanda 20 min ədəd tibbi texnika vəziyyətinə görə zəruri yoxlamadan keçmir” yazan “Exo” qəzeti bunu “standartdan kənar sağlamlıq” kimi dyərləndirir.

Son vaxtlar bir sıra ticarət mərkəzlərində etirazlara toxunan “Novoe Vremya” qzəeti bunu “kiçik və orta sahibkarlığın probeminin gündəlikdə olması” kimi şərh edir.

Maliyyə naziri Samir Şərifovun “Dollarla kredit alanlara nəyə görə güzəşt olmalıdır ki?!” bəyanatını önə çəkən “Bizim Yol” qəzeti bu kateqoriya kreditorlara güzəşt edilməyəcəyini nəzərə çatdırır.

Keçmiş xarici işlər naziri Tofiq Zülfüqarov Azərbaycan XİN-in kadr siyasətində böyük səhvlər olduğunu bəyan edir.

Yaxın günlərdə TQDK və Təhsil Nazirliyinin biləşdiriləcəyini, Elm və Təhsil Nazirliyinin yaradılacağını iddia edən “Yeni Müsavat” qəzeti bunu “Mikayıl Cabbarovun qələbə ərəfəsində olması” kimi dəyərləndirir.

Qəzet beynəlxalq maliyyə qurumlarının ölkəyə səfərini ölkənin 4 milyard dollar həcmində borclanmaya gedəcəyilə əlaqələndirir və ekspertlərə isnadən bunun gələcək üçün təhlükəli olduğunu nəzər çatdırır.