Çərşənbə axşamı Müsavat Partiyasının qərargahında ölkənin cəzaçəkmə müəssisələrində duruma dair dinləmələr keçirilib.
Dinləmələrdə çıxış edən keçmiş siyasi məhbuslar Azərbaycan həbsxanalarında korrupsiya, qanunsuz narkotik dövriyyəsi ilə bağlı danışıblar. Həbsxana əməkdaşlarının məhbuslara cəza vermələri haqqında fikirlərini ifadə ediblər. Belə şəxslərdən biri kimi 14 saylı həbsxananın rejim rəisi Əlizamnin Quliyevin adı daha çox hallanıb. Yeri gəlmişkən, 14 saylı həbsxana tozlu ərazidə yerləşdiyi üçün buradakı məhbuslar potensial vərəm məhbusu sayılıblar. MTN təcridxanasında müttəhimlərin ağılasığmaz işgəncələrə məruz qaldığını deyən keçmiş siyasi məhbus Əhəd Məmmədli bu təcridxananın bağlanmasını təklif edib.
Məhbuslara verilən qidanın, suyun keyfiyyətinin çox aşağı olduğu xüsusi vurğulanıb, bu qida və sudan yalnız əlacı olmayan məhbusların istifadə etdikləri qeyd edilib. Ölkə həbsxanalarında məhbusların saxlanması şəraitinin, onlara göstərilən xidmətin Avropa standartlarına uyğun olmadığı bildirilib.
Keçmiş siyasi məhbuslar cəzaçəkmə müəssisələrində məhbusların işgəncələrə məruz qalmaları haqda danışıblar. Belə ki, siyasi məhbuslar zindanın münasib ərazidə yerləşməməsinin özünü işgəncə kimi dəyərləndiriblər.
Keçmiş siyasi məhbuslar həbsdən vaxtından əvvəl azad olunmaq barədə qanunun tələbilə azad olunmadıqlarını, bir dustağın belə bu maddədən yararlana bilmədiyinə diqqət çəkiblər.
Həbsxanalarda monitorinqlərin aparılması ciddi tənqid hədəfi olub. Belə ki, həbsxanalarda monitorinqləri icra edən İctimai Komitə işinin öhdəsindən gəlməməkdə ittiham olunub.
Vəkillər isə medianı daha çox cəmiyyətin marağına səbəb olan məhkəmə prosesləri işıqlandırmağa maraq göstərməkdə, ictimai-siyasi qurumları bu proseslərdə iştiraka maraq göstərməməkdə ittiham ediblər. Dövlət başçısı İlham Əliyevin həbsdəki məhbusların hüquqlarının qorunmasına dair fərmanı dərc edilib. Amma qanun hələ də gerçəkdə tətbiq olunmadığı üçün dustaqlar bundan yararlana bilmirlər, deyə tədbirdə qeyd edilib.
Tədbirin sonunda müzakirələrin nəticəsi olaraq ölkə həbsxanalarındakı duruma dair təkliflər toplanıb. -05C-
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz