Azərbaycan vətəndaşları məhkəmə aktlarından şikayət zamanı dövlət rüsumunun ödənilməsindən azad edilə bilər. Parlamentin Hüquq siyasəti və dövlət quruculuğu komitəsinin saytında (http://femida.az/) bildirilir ki, bu günlərdə Milli Məclis Mülki Prosessual Məcəllədən 109-ci maddənin çıxarılması barədə təşəbbüs qaldıracaq. Bu maddəyə görə, birinci instansiya məhkəməyə apellyasiya və ya kassasiya şikayəti ilə müraciət olunduğu halda müəyyən edilmiş məbləğin 120 və 150%-i həcmində dövlət rüsumu ödənilir.
“Dövlət rüsumu haqqında” qanunun 8-ci maddəsi məhkəməyə iddia ərizəsi və şikayətlərin, hüquqi əhəmiyyətli faktların müəyyən olunması barədə ərizələrin və məhkəmə qərarlarından şikayətlərin verilməsinə görə bir neçə növ rüsum nəzərdə tutur. Cavabdehə iddiaların xarakterindən asılı olaraq məbləğ 3-20 manat civarındadır.
Qanunla (maddə 9) dövlət rüsumunun ödənilməsindən azad edilmənin çoxsaylı variantları da əksini tapıb.
Parlamentin növbəti plenar iclasında təşəbbüsə baxılacaq.-17D—
Cəmiyyət
-
Bakıda Əhmədli, Günəşli, NZS qəsəbələri və bəzi digər ərazilərdə pis qaz qoxusu ilə bağlı şikayətlər səngimir. Şikayətçilər deyir ki, bu, artıq yenə neçə gündür baş verir.
-
Yanvarın 23-də Bakıda hava tutqun olacaq. Axşam və səhər bəzi yerlərdə yağış yağacaq.
-
Yanvarın 18-də İmişli rayonunda baş vermiş yol-nəqliyyat qəzasında zərər çəkmiş daha bir nəfər Bakıda xəstəxanada vəfat edib. Həkimlərin səylərinə baxmayaraq, azyaşlının (2015-ci ildə anadan olub) həyatını xilas etmək mümkün olmayıb.
-
Sosial mediada tənqidi paylaşımlarına görə saxlanılan müxalifət üzvləri həmin gün azadlığa buraxılıb, polis tərəfindən kobud rəftar və zorakılıq hallarına dair heç bir məlumat yoxdur, "Müsavat" Partiyası sədr müavini Mustafa Hacıbəyli Turan xəbər agentliyinə bildirib.
Rəy yaz