Фото из открытых источников
Bakı/20.12.17/Turan: Masallı rayon Məhkəməsi bu gün, dekabrın 19-u "Az-Qranata" Məhdud Məsuliyyətli Cəmiyyətinin (MMC) jurnalist İkram Rəhimov və realliq.info saytına qarşı mülki iddiası üzrə icraatı ləğv edib. Paralel olaraq, məhkəmə "Az-Qranata"nın İkram Rəhimova qarşı iddiasını icraata qəbul edib. Bu haqda Azadlıq Radiosuna məhkəmədə iştirak edən jurnalist İ.Rəhimov özü bildirib.
"Az-Qranata" oktyabr ayında məhkəməyə müraciət edib, realliq.info saytında yayılmış "Az-Qranata"nın məhsulları həyat üçün təhlükəlidir" sərlövhəli yazıdan narazı qalan müəssisə saytın və İ.Rəhimovun 200 min manat cərimə edilməsini, təkzib verilməsini, üzr istənilməsini tələb edirdi.
Masallı məhkəməsi qeyd olunan iddia üzrə icraatı müəssisənin təmsilçisinin istəyi ilə dayandırmışdı.
"Az-Qranata" bu dəfə İkram Rəhimovu cavabdeh kimi göstərib. Tələblər dəyişməyib - jurnalistin 200 min manat cərimə ödənəsi, üzr istəməsi və təkzib verməsi istənilir.
Dünənki iclasda məhkəmə mübahisə doğurmuş məqalənin linqvistik ekspertizaya göndərilməsinə qərar verib. Ekspertiza məqalədəki məlumatların məzmununun müəssisənin işgüzar nüfuzuna ziyan vurub-vurmadığını müəyyən etməlidir.
Məhkəmə prosesi ekspertizanın nəticəsi bəlli olanadək təxirə salınıb.
Realliq.az saytının redaktoru İkram Rəhimov 2016-cı ildə Sumqayıtdakı "Ucuz market" ticarət mərkəzinin rəhbərinin xüsusi ittiham qaydasında şikayəti əsasında həbs olunmuşdu. İ.Rəhimov saytda R.Novruzov soyadlı bir şikayətçinin məktubunu dərc edib. Məktubda iddia olunub ki, həmin ticarət rəhbəri şəhərin icra hakimiyyəti başçısına rüşvət verib.
Sumqayıt Şəhər Məhkəməsi ötən ilin noyabrında həm redaktoru, həm də ona şikayət məktubu yazan Rəhman Novruzovu Cinayət Məcəlləsinin 147.1-ci (böhtan) maddəsi ilə günahkar bilərək, bir il azadlıqdan məhrum edib. Redaktor mühakimə edildikdən sonra vəkili vasitəsilə, hələ polisdə saxlanılarkən şəhər rəhbərliyinin göstərişi ilə ona işgəncə verildiyini açıqlayıb.
Sumqayıt Apellyasiya Məhkəməsi martın 1-də böhtanda təqsirləndirilərək həbs edilmiş redaktoru və mediaya müraciət yazmışRəhman Novruzovu vaxtından əvvəl, məhkəmə zalından azadlığa buraxıb.
İ.Rəhimovun işi üzrə yerli məhkəmələrin qərarlarından Avropaİnsan Hüquqları Məhkəməsinə şikayət edilib.--0--
https://youtu.be/Z_tWyiiCu2Q
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz