Sübhi,2
Məhkəmə Bakı meriyasının üzərinə Turan agentliyinin sorğusuna cavab vermək öhdəliyi qoyub
Bakı/12.07.17/Turan: Bakı şəhər 1 saylı İnzibati-İqtisad Məhkəməsi, nəhayət ki, Bakı şəhər icra hakimiyyətinin üzərinə Turan agentliyinin informasiya sorğusuna cavab vermək öhdəliyi qoyub. Bu qərarı hakim Elçin Məmmədov qəbul edib.
İnformasiya sorğusu bu il yanvarın 24-də İH başçısı Hacıbala Abutalıbovun adına göndərilib. İddia isə fevralın 23-də verilib.
Meriyaya verilən suallar Buzovna qəsəbəsi, Sübhi 2 küçəsində yerləşən binanın 8 və 9-cu mərtəbələrində 2016-cı il dekabrın 8-də baş vermiş yanğının ziyan vurduğu iki mənzilin aqibəti ilə bağlı idi.
Bina Bakı şəhər İcra Hakimiyyətinin Mənzil-Kommunal Təsərrüfat Departamentinin 1 saylı Xüsusi Mənzil-Kommunal Təsərrüfat Birliyinin icraatındadır.
Agentliyin və bina sakinlərinin öz hüquqları uğrunda birgə mübarizəsi nəticəsində təmir işləri həyata keçirilib - evlərin balkonlarında pəncərələr bərpa olunub və binanın ziyan dəymiş fasadı təmir edilib. Bu barədə agentlik mayın 15-də məlumat yayıb.
Amma mayın 16-da cavabdeh məhkəməyə sözügedən binada liftin təmir edilməsi və blokda kosmetik təmir işləri haqqında məlumat verib və 8 və 9-cu mərtəbələrdəki mənzillərə dəyən ziyanın yanğının təqsirkarı - 7-ci mərtəbədəki mənzilin sahibi S.Mahmudov tərəfindən ödənilməli olduğunu bildirib.
Beləliklə, Bakı şəhər İH ziyan dəyən mənzillərin pəncərələrinin dəyişdirilməsinin və fasadının təmirinin meriyanın öz inşaat departamenti tərəfindən həyata keçirildiyindən xəbəri belə yoxdur.
İH həmçinin agentliyin sorğusuna cavab verməyi vəd edib, amma indiyədək bunu etməyib.
Jurnalistlərin dövlət qurumlarına informasiya sorğuları göndərməsi təcrübəsi və məhkəmələrin əməlləri Azərbaycanda vəziyyətin acınacaqlı olduğunu və "İnformasiya azadlığı haqqında" qanunun iflic vəziyyətində olduğunu göstərir. -0-
-
- Söz istəyirəm
- 12 İyul 2017 15:42
-
- Maliyyə
- 12 İyul 2017 15:51
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz