Bakı/12.05.17/Turan: Cümə günü Səbayel Rayon Məhkəməsi bir neçə təngidi İnternet-resursunun - azadliq.info ("Azadlıq" qəzeti), azadliq.org ("Azadlıq" radiosu), "azerbaycansaati.com", meydan.tv, həmçinin "Azərbaycan saatı" və Turan TV videokanallarının bloklanması barədə Nəqliyyat, Rabitə və Yüksək Texnologiyalar Nazirliyinin Elektron Təhlükəsizlik Mərkəzinin iddiasını təmin edib.
Cavabdehlərin adından çıxış edən vəkil Səməd Rəhimov martın 27-dən saytların bloklanması ilə bağlı nazirliyin qərarının və bunun təsdiqlənməsi üçün məhkəmə iddiasının əsassız olduğunu bildirib.
S.Rəhimov qeyd edib ki, Rabitə Nazirliyinin qərarı Avropa İnsan Hüquqları Konvensiyasına, Türkiyədə saytların bloklanması ilə bağlı Strasburq məhkəməsinin qərarına, Avropa Şurası Nazirlər Komitəsinin 2016-cı il qətnaməsinə ziddir. Belə ki, sənədə əsasən saytlar bloklana bilməz, məhdudiyyət isə ancaq konkret informasiyaya aid edilə bilər.
S.Rəhimov deyib ki, nazirliyin iradına səbəb olan materiallarda "dövlətin və cəmiyyətin qanuni maraqlarını" pozan heç bir şey yoxdur. Materiallarda dini radikalizmə və ya digər qanunazidd hərəkətlərə çağırışlar olmayıb.
Lakin Elektron Təhlükəsizlik Mərkəzinin nümayəndəsi Bəxtiyar Məmmədov iddianın təmin olunmasına təkid edib.
Hakim "Azadlıq" radiosunun vəkili Adil İsmayılovun çıxışa hazırlaşmasına vaxt verməyib və saytların bloklanması barədə qərar çıxarıb.
"Azadlıq" qəzetinin saytının redaktoru Rövşən Hacıbəyli bildirib ki, resursun fəaliyyəti davam etdiriləcək.-16/03B-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz