Fəxri Məmmədov
Bakı/19.12.23/Turan: Dekabrın 19-da Bakı Ağır Cinayətlər Məhkəməsində Həmkarlar İttifaqı fəalı, narkotik maddə işi üzrə həbs edilmiş Ayxan İsrafilovun işilə bağlı hazırlıq iclası keçirilib. İclasa Fəxri Məmmədov sədrlik edib.
Vəkil Fəriz Namazlı qətimkan tədbirinin ev dustaqlığına dəyişdirilməsi barədə vəsatət qaldırıb.
«İş üzrə şahidləri polis əməkdaşlarıdır və Ayxan İsrafilovun onlara təzyiq göstərə biləcəyilə bağlı ehtimallar əsassızdır", - digər vəkil Pərviz Hacıyev bildirib. O həmçinin qeyd edib ki, İsrafilov əvvəllər mühakimə olunmayıb və narkoloji ekspertiza onda narkoloji asılılıq aşkar etməyib. Nəhayət, İsrafilov üçüncü qrup əlildir və birinci qrup əlil olan anası onun himayəsindədir.
Bu vəsatət təmin edilmədiyi təqdirdə vəkil məhkəmədən onun 3 saylı İstintaq Təcridxanasından Şüvəlan qəsəbəsindəki 1 saylı İstintaq Təcridxanasına köçürülməsi barədə qərar qəbul etməyi xahiş edib.
Dövlət ittihamçısı qətimkan tədbirinin dəyişdirilməsinə qarşı çıxıb, istintaq təcridxanasının dəyişdirilməsi məsələsini isə məhkəmənin ixtiyarına verib.
Qısa məşvərətdən sonra məhkəmə hər iki təmin edilməmiş saxlayıb və mahiyyəti üzrə dinləmələri 26 dekabr saat 14:00 -a təyin edib.
Fəalın bacısı Sevinc İsrafilova Şüvəlan İstintaq Təcridxanasında saxlanma şəraitilə bağlı şikayətlər haqda Turan-a danışıb. Kamera 10 nəfər üçün nəzərdə tutulsa da, fəlı digər 18 məhbus ilə birlikdə saxlayırlar. Buna görə məhkumlar növbə ilə yatırlar.
O qeyd edib ki, qardaşının həbsi ailələri üçün böyük problemlər yaradıb. "Anam birinci qrup əlildir. Anama Ayxan baxırdı və buna görə rəsmi olaraq müavinət alırdı. Ən böyük problem anamın mənəvi əzabıdır. Qardaşım siqaret çəkmir, amma onu narkotik maddə istifadə etməkdə günahlandırırlar. Halbuki, ekspertiza bunu aşkar etməyib. İstintaq iddia edir ki, guya ondan 8 qram heroin aşkarlanıb”, - İsrafilova deyib.
*Müstəqil Həmkarlar İttifaqları Konfederasiyasının İdarə Heyətinin üzvü Ayxan İsrafilov bu ilin avqust ayında həbs edilib. O, Cinayət Məcəlləsinin 234.1-1-ci maddəsilə (narkotik maddələrin saxlanması və yayılması) ittiham olunub. Ayxan İsrafilov ittihamı qəti şəkildə rədd edir və həbsi ictimai fəaliyyətilə əlaqələndirir ki, bu da kuryer xidməti işçilərinin hüquqlarının qorunmasında özünü göstərib.-0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz