Əvəz Zeynallı
Bakı/05.11.22/Turan: Noyabrın 4-də Binəqədi rayon məhkəməsində jurnalist Əvəz Zeynallının istintaq müddətində ona görüş və telefon danışıqlarını qadağan edən Baş Prokurorluğun İstintaq İdarəsinə qarşı şikayətinə baxılıb.
Vəkil Fəxrəddin Mehdiyevin Turan-a verdiyi məlumata görə, istintaq orqanının nümayəndəsi "bunu istintaq sirrinin yayılması ehtimalı" ilə əsaslandırıb.
Müdafiə tərəfi Əvəz Zeynallı ilə bağlı heç bir istintaq hərəkəti aparılmadığı üçün bu arqumentlərin əsassız olduğunu qeyd edib. İkincisi, ailə üzvləri ilə telefon söhbəti və görüş hüququna qanunla zəmanət verilib.
Vəkil həmçinin şəkərli diabetdən əziyyət çəkən və gözündən əməliyyata ehtiyacı olan Zeynallının səhhətindəki problemlərə diqqət çəkib.
Bununla belə, məhkəmə Əvəz Zeynallının iddiasını təmin etməyib.
* Xatırladaq ki, vəkil Elçin Sadıqov və "Xural TV" qəzetinin təsisçisi Əvəz Zeynallı sentyabrın 10-da rüşvət alma ittihamı ilə saxlanılıblar. Sentyabrın 11-də məhkəmə hər ikisini həbs edib.
Sentyabrın 17-də Bakı Apellyasiya Məhkəməsi Sadıqovu ev dustaqlığına keçirib.
Sonradan Zeynallıya qarşı CM-in 312-1.1 (vəzifəli şəxsin qərarına qanunsuz təsir etmək (nüfuz alveri)) maddəsi ilə yeni ittiham irəli sürülüb. 06B
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz