Bakı/27.05.17/Turan: Səbayel Rayon Məhkəməsi Azərbaycan Xalq Cəbhəsi Partiyası (AXCP) sədrinin müavini Gözəl Bayramlının barəsində üç müddətinə həbs qətimkan tədbiri seçib. O, qaçaqmalçılıqda ittiham olunub.
Xatırladaq ki, G.Bayramlı mayın 25-də Gürcüstandan gələrkən saxlanılıb. Azərbaycan Sərhəd Xidmətinin bildirdiyinə görə, onun üzərindən 12 min dollar məbləğində bəyan edilməmiş pul vəsaiti "tapılıb". Fakt üzrə CM-in 206.1-ci maddəsilə (qaçaqmalçılıq) cinayət işi başlanıb.
Cümə günündən şənbəyə keçən gecə Səbayel Rayon Məhkəməsi G.Bayramlının barəsində üç ay həbs qətimkan tədbiri seçib.
G.Bayramlı ittihamı rədd edib. Bu barədə Turan-a onun vəkili bildirib.
G.Bayramlı deyib ki, pulu onun çantasına hüquq-mühafizə orqanlarının əməkdaşları qoyublar.
Müdafiə tərəfi pulların və pul bağlamasının üzərindəki barmaq izlərinin ekspertizasının keçirilməsi, həmçinin G.Bayramlının 26 may saat 20.00-dan 06.00-a qədər saxlandığı sərhəd-nəzarət məntəqəsindəki videoyazılara baxılması barədə vəsatət qaldırıb.
Ancaq məhkəmə vəsatəti təmin etməyib və üç ay müddətinə həbs qətimkan tədbirinin seçilməsini təmin edib.
G.Bayramlı bildirib ki, müxalifətyönlü fəaliyyətinə görə ona qarşı təxribat törədilib.
Vəkil Elçin Sadıqov deyib ki, həbs barədə qərardan Apellyasiya Məhkəməsinə şikayət veriləcək.
E.Sadıqov qeyd edib ki, praktikada söhbət pul vəsaitinin keçirilməsi halından gedərsə 206.1-ci maddə üzrə həbs qətimkan tədbiri seçilmir. Sonda iş cəza ilə yekunlaşır, ancaq azadlıqdan məhrumetmə ilə bağlı olmur. Ya da müttəhim şərti olaraq mühakimə edilir və ya həbs cəzasından daha yumşaq cəzanı nəzərdə tutan CM-in 62-ci maddəsi tətbiq edilir.
Vəkil deyib ki,G.Bayramlı ruhdan düşmür.
Qeyd edək ki, onun tərəfdarlarından ibarət böyük bir qrup məhkəmə binasının qarşısına toplaşıb. G.Bayramlını binadan çıxararkən onlar "Azadlıq!", "Gözəl xanıma eşq olsun!", "Biz buradayıq, sizinləyik!" şüarlarını səsləndiriblər. O, cavab olaraq sağ əlini yuxarı qaldırıb yumruq şəklində sıxaraq mübarizənin davam etdiyini bildirib. -06D--
Cəmiyyət
-
Bazar günü, yanvarın 12-də Bakıda və Abşeron yarımadasında havanın dəyişkən buludlu, arabir tutqun, əsasən yağmursuz olacağı gözlənilir.
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
Rəy yaz