Açiq mənbələrdən foto.
Bakı/27.01.22/Turan: Yasamal rayon məhkəməsi yanvarın 27-də məşhur biznesmen Hafiz Məmmədovun (Havka) böyük miqdarda vergi və məcburi sosial ödənişlərdən yayınma ittihamı ilə həbsi haqqında qərar verib.
Dövlət Vergi Xidmətinin məlumatına görə, faktiki olaraq Hafiz Məmmədova məxsus olan müəssisələrdə vergi və sosial ödənişlərdən yayınma halları aşkar edilib.
Bu faktlarla bağlı cinayət işi başlanıb. Turan agentliyinə hüquq-mühafizə orqanlarından bildiriblər ki, Məmmədov həbs edilib.
Bu şəxsin adı bir neçə dəfə müxtəlif qalmaqallı hadisələrdə hallanıb. Müxtəlif illərdə inşaat, ticarət sahəsində ondan çox firma və şirkət, həmçinin "Bakı" futbol klubu ona məxsus olub.
2014-cü ildə o, İngiltərənin ikinci liqasında "Şeffild Uensdey" futbol klubunu alıb.
2016-cı ildə o, Fransanın "Lans" klubunu alıb. Sonradan o, maliyyə problemləri ilə əlaqədar bu və digər aktivlərindən məhrum olub.
Hazırda Hafiz Məmmədovun harada olduğu məlum deyil. -0-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz