Məhkəmə Cəbrayıl rayonundan beş məcburi köçkünün ev dustaqlığına azad edilməsi haqqında vəsatəti təmin etməyib. Bu barədə Turan-a təqsirləndirilən şəxslərdən biri - Cəlal Quliyevin hüquqlarını müdafiə edən vəkil Elçin Sadıqov bildirib.
Vəsatətə Biləsuvar rayonunda yerləşən Cəbrayıl rayon məhkəməsində baxılıb. Məhkəmə vəsatəti təmin etməyib və bu qərarını heç cür əsaslandırmayıb.
Xatırladaq ki, dekabrın 22-də Biləsuvar rayonunda məcburi köçkünlərin məskunlaşdığı qəsəbələrdə elektrik enerjisinin kəsilməsinə qarşı etiraz aksiyası keçirilib.
Aksiya polis tərəfindən dağıdılıb. Beş məcburi köçkün - Cəlal Quliyev, Zaur Firuzlu, Gülağa Alməmmədov, Ülvi Quliyev və İlkin İsgəndərov başqasının əmlakına ziyan vurma və polisə müqavimət göstərmə ittihamı ilə həbs olunub.
Doğmaları həbs olunanların təqsirsiz olduğunu və dinc etiraz aksiyasında iştirak etdiklərini bildirirlər. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz