Fuad Ağayev
Bakı/01.06.21/Turan: 2013-cü il İsmayıllı hadisələri ilə əlaqədar həbs edilən şəxslərin çoxdan azadlıqda olmasına, baş “fiqurant” İlqar Məmmədova isə Azərbaycan Ali Məhkəməsinin Rəyasət Heyəti tərəfindən bəraət verilməsinə baxmayaraq, məhkəmə icracıları məhkəmə prosesində onu müdafiə edən vəkil Fuad Ağayevdən cərimə ödəməyi tələb edirlər.
2014-cü ilin yanvarında Şəki Ağır Cinayətlər Məhkəməsində Ağayev məhkəmə heyətinə etiraz edib.
O, məhkəmənin heç bir vəsatəti təmin etməməsi, şahidlərin isə zalda olması və prokurorun göstərişinə görə hərəkət etməsi ilə əlaqədar təqsirləndirilən şəxslərin hüquqlarını effektiv müdafiə etməyin qeyri-mümkün olduğunu bildirib.
Amma hakim Rəşid Hüseynov nəinki vəsatəti təyin etməyib, həm də Ağayevi 220 manat (o vaxtki kursla 270 dollar) cərimə edib.
“İsmayıllı hadisələri üzrə Tofig Yagublu, İlqar Məmmədov və başqaları xeyli vaxtdır ki, cəza çəkməkdən azad ediliblər. Hətta Məmmədova münasibətdə Ali Məhkəmə Plenumu iş üzrə icraata bəraətverici əsaslarla xitam verib. Mənim müdafiəçi kimi öz peşə fəaliyyətimi həyata keçirməyimlə bağlı cərimə olunduğum gündən 7 ildən artıq vaxt keçib. Hakim Rəşid Hüseynov ölüb (barəsində daha kəskin ifadə işlətməkdən vaz keçdim). Ədliyyə Nazirlininin Xətai İcra və Probasiya şöbəsi isə məni təhdid edir”, deyə Ağayev öz facebook səhifəsində yazıb.
Vəkildən şəxsiyyət vəsiqəsi ilə şöbəyə yaxınlaşaraq, yaşayış yeri barədə məlumat verməyi tələb olunub. Əks halda vəkili barəsində axtarış elan ediləcəyi ilə təhdid ediblər.
Vəkil Ağayev Azərbaycanda bir çox siyasi məhbusların müdafiəsi ilə tanınan məşhur və təcrübəli vəkillərdən biridir. O, 1991-ci ildə qəbul edilmiş Azərbaycan Respublikasının Dövlət Müstəqilliyi haqqında Konstitusiya Aktı layihəsinin həmmüəllifidir. -06В-
Cəmiyyət
-
"Son 10 ildə ali təhsil müəssisələrinə qəbul göstəricisi artıb və bu da kəmiyyət göstəricisidir". Bunu təhsil naziri Emin Əmrullayev fevralın 10-da Bakıda Dünya Bankının illik qlobal hesabatının təqdimatında deyib.
-
Gənclər Azərbaycanı beynəlxalq olimpiadalarda təmsil etməyə hazırlaşır Təhsil İnsititutunun təşəbbüsü və Azercell-in dəstəyilə İT üzrə beynəlxalq olimpiadalara hazırlaşan milli komandamız üçün növbəti “Qış Kampı” təşkil olunub. Bu dəfə düşərgə çərçivəsində məktəblilərimiz Oxford Universitetinin Avtonom maşınların idarə olunması üzrə məzunu Tərlan Süleymanov və Google Texnologiya şirkətinin Poqram təminatı mühəndisi Rəhim Məmmədli ilə görüşmək, onların dəyərli təcrübəsindən faydalanmaq imkanı əldə ediblər. Qonaqlar iştirakçılara müasir proqramlaşdırma dilləri və texnologiyaları barədə master-klass keçiblər.
-
Çərşənbə günü paytaxtda hava tutqun olacaq. Axşama doğru Abşeronda bəzi yerlərdə yağıntı ola bilər. Şimal-qərb küləyi əsəcək. Havanın temperaturu gecə mənfi 1 + 2, gündüz müsbət 3 +7 dərəcə olacaq. Rütubət gecə 70-80, gündüz 60-65 faiz olacaq.
-
Azərbaycan Prezidenti yanında Əfv Məsələləri Komissiyasının iclaslarının yenidən bərpa ediləcəyi və növbəti əfv sərəncamının imzlanacağı gözlənir. Sonuncu belə sərəncam ötən il mayın 25-də, Müstəqillik Günü (28 may) ərəfəsində imzalanmışdı. Sərəncam 154 nəfərə şamil edilmişdi. Onlardan 63 nəfər azadlıqdan məhrumetmə cəzasından azad edilmiş, 52 şəxsin cəzasının çəkilməmiş hissəsi yarıyadək azaldılmışdı. Qalanları isə, əsasən, elektron qolbaqdan azad edilib və ya belə cəzanın azaldılmasını əhatə edirdi.
Rəy yaz