Məhkəmə Mehman Hüseynovun müraciətinə avqustun 24-də baxacaq

Баку/17.08.18/Turan: Bloger Mehman Hüseynovun vaxtından əvvəl azadlığa burarıxlması ilə bağlı məhkəmə prosesi avqustun 24-də olacaq. Bu barədə Turan-a M.Hüseynovun vəkili Şəhla Hümbətova bildirib.

İşə Qaradağ Rayon Məhkəməsinin hakimi Rəşad Məmmədovun sədrliyi ilə 14 saylı cəzaçəkmə müəssisəsində səyyar məhkəmə iclasında baxılacaq.

Müdafiə tərəfi ümid edir ki. M.Hüseynovun azadlığa çıxmasına az müddət qalır və bu səbəbdən azad edilə bilər.

Xatırladaq ki, M.Hüseynov 2017-ci il martın 3-də Suraxanı Rayon Məhkməsinin qərarı ilə polisə böhtan atdığına görə iki il müddətinə azadlıqdan məhrum edilib. Buna səbəb isə 2017- ci ilin yanvarnda M.Hüseynovun oğurlanması, Nəsimi Rayon Polis İdarəsində saxlanması olub. O, 200 manat cərimə edilərək sərbəst buraxılıb. Bundan sonra jurnalistlərin önünə çıxan M.Hüseynov polis idarəsində işgəncələrə məruz qalması haqda açıqlama verib. Bundan sonra adı çəkilən cinayət işinə başlanılıb.

Amnesty International beynəlxalq təşkilatı M.Hüseynovu vicdan məhbusu kimi tanıyıb. 06D-