Bu gün Bakının Xətai rayon məhkəməsi gənc fəallar Bayram Məmmədov və Qiyas İbrahimov barəsində həbs qətimkan tədbirinin ev dustaqlığı ilə əvəz edilməsi barədə vəsatəti təmin etməyib. Bu barədə Turan-a vəkil Elçin Sadıqov bildirib.
Xatırladaq ki, gənclər qanunsuz narkotik dövriyyəsində ittiham olunur. Onlar ittihamı təkzib edirlər və Heydər Əliyevin abidəsi üzərində şüar yazdıqlarına görə həbs olunduqlarını hesab edirlər.
Vəkil vəsatətin təmin edilməsindən imtinanı əsassız adlandırıb və hakim Bəxtiyar Məmmədovun bu qərarından apellyasiya şikayəti veriləcək. Daha sonra müdafiə tərəfi fəalların qanunsuz həbsi və işgəncələrə məruz qalması ilə əlaqədar Avropa İnsan Hüquqları Məhkəməsinə müraciət etmək niyyətindədir.
Sadıqovun sözlərinə görə, işgəncə faktlarının araşdırılmamasına etiraz əlaməti olaraq, Məmmədov dünəndən aclıq elan edib. O, həmçinin ombudsmanın işgəncə faktlarının gizlədilməsinə yönəlmiş bəyanatına etiraz edir. -03B06-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz