Məhkəmə Murad Adilovu vaxtından əvvəl şərti azadlığa buraxmayıb
Bakı/06.09.18/Turan: Sentyabrın 5-də Nərimanov Rayon Məhkəməsi AXCP fəalı Murad Adilovun cəzasının üçdə bir hissəsini çəkməsilə əlaqədar şərti olaraq azadlığa buraxılması barədə müraciətinə baxıb.
Məhkəmə 5 saylı koloniyanın təqdim etdiyi mənfi xasiyyətnamənin əsasında müraciəti təmin etməyib. Onun nəzərdə tutulmayan yerdə siqaret çəkdiyinə görə barəsində hökm çıxarılması ilə əlaqədar vaxtından əvvəl azad edilməsi mümkün hesab edilməyib. Bu barədə onun doğmaları bildiriblər.
M.Adilov bu qərardan apellyasiya şikayəti vermək niyyətindədir.
Xatırladaq ki, M.Adilov 2014-cü ilin avqustunda Sabirabadda qanunsuz narkotik maddənin dövriyyəsi ittihamı ilə həbs olunub. 2015-ci il mayın 14-də altı il həbs cəzası alıb.
O, hazırda xaricdə yaşayan AXCP mətbuat katibi, "Azadlıq" qəzetinin şərhçisi və "Azərbaycan saatı" peyk teleproqramının aparıcısı Natiq Adilovun qardaşıdır.
Hüquq müdafiəçilərinin fikrincə, M.Adilov Azərbaycan hakimiyyətini kəskin tənqid edən qardaşının jurnalist fəaliyyətinə görə təqib edilir.
Amnesty İnternational M.Adilovu "vicdan məhbusu" kimi tanıyıb.
Eyni zamanda N.Adilov digər beynəlxalq təşkilatların onun qardaşının azad edilməsi tələbilə bir dəfə də olsun çıxış etməməsindən təəccübləndiyini bildirib.
"Heç olmasa, bir dəstək məktubu da göndərməyiblər", - N.Adilov Facebook səhifəsində qeyd edib.-06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz