Bakı/04.11.17/Turan: Bakı Hərbi Məhkəməsi NİDA Hərəkatının fəalı Ülvü Həsənlinin həqiqi hərbi xidmətə məcburi çağırılması ilə bağlı şikayətinə mahiyyəti üzrə baxmaqdan imtina edib. Bu barədə vəkil Zibeydə Sadıqova bildirib. Şikayət məhkəmə nəzarəti qaydasında verilib. Onun sözlərinə görə, Ü.Həsənli məhkəməyə aparılmayıb.
Müdafiə tərəfi hərbi həkimlərin məhkəməyə çağırılması və tibbi sənədlərin təqdim olunması barədə vəsatət qaldırıb. Ancaq hakim işə mahiyyəti üzrə baxmaqdan imtina edib və Hərbi Prokurorluğa şikayətlə müraciət olunmasımı tövsiyə edib.
Müdafiə tərəfi məhkəmənin qərarından apellyasiya verəcək.
Xatırladaq ki, Ü.Həsənli oktyabrın 26-da məcburi hərbi xidmətə göndərilib. Halbuki, 2019-cu ilədək möhləti olub. Ü.Həsənli böyrək xəstəliyindən əziyyət çəkir.
NIDA Hərəkatı Ü.Həsənlinin orduya çağırılmasını qanunsuzluq kimi qiymətləndirib.-06B-
Cəmiyyət
-
Azərbaycan məktəblərində rus dilində siniflər arta bilər. Jurnalistlərə açıqlamasında Məktəbəqədər və ümumi təhsil üzrə dövlət agentliyinin sədri Eşqi Bağırov bildirib ki, məktəblərdə rus bölməsi üzrə kifayət qədər yer və pedaqoq ehtiyatı var. "Bu gün ölkənin təhsil müəssisələrində rus bölməsi üzrə 12 min yer var. Müraciət edənlərin sayı isə 10 minə çatıb. Ortalama bu gün üçün tələbat qarşılanır. Amma yeni tədris ilində pedaqoji kadr təyinatı, müəllim sayı imkan verərsə, ehtiyac olduqca, rus bölməsi üzrə sinif sayı artırıla bilər", - o əlavə edib.
-
Lider mobil operator beynəlxalq ictimaiyyət qarşısında daha dayanıqlı və yaşıl gələcək naminə gördüyü işlər haqqında danışdı Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi, “Azercell Telekom” MMC-nin baş sponsorluğu ilə Bakıda keçirilən “GSMA M360 2024” konfransı davam edir. COP29 ərəfəsinə təsadüf edən bu konfransın ikinci günü ətraf mühit, sosial və idarəetmə (ESG) prinsiplərinə həsr olunmuş sessiya ilə başlayıb. Bu sessiyada çıxış edən Azercell-in Hüquq, Etika və Komplayens üzrə baş direktoru Şirin Əliyeva şirkətin ESG strategiyasını açıqlayaraq onun adıçəkilən sahələrdə fəaliyyəti haqqında danışıb.
-
Mayın 17-də Bakıda və Abşeron yarımadasında yağış yağacağı, bəzi yerlərdə intensivləşəcəyi gözlənilir. Gündüz yağıntılar tədricən kəsiləcək.
-
Azercell-in ev sahibliyi etdiyi konfrans Bakıda beynəlxalq sənaye liderlərini bir araya gətirdi Bu gün Beynəlxalq GSM Assosiasiyasının (GSMA) Azərbaycanda sayca ikinci “GSMA M360 Eurasia” konfransına start verilib. Ötən il olduğu kimi, bu il də Azərbaycan Respublikasının Rəqəmsal İnkişaf və Nəqliyyat Nazirliyinin dəstəyi və “Azercell Telekom” MMC-nin baş sponsorluğu ilə Bakıda keçirilən tədbir telekommunikasiya və rəqəmsal texnologiyalar sahəsində çalışan aparıcı ekspertləri, eləcə də region üzrə tənzimləyici qurumların nümayəndələrini öz ətrafında toplamağa müvəffəq olub.
Rəy yaz