Açıq mənbələrdən foto
Bakı/06.05.19/Turan: Bakının Səbail Rayon Məhkəməsi hakim İlkin Rüstəmlinin sədrliyi ilə REAL Partiyasının fəalı Emin Babayev barəsində 200 manat cərimə qərarı çıxarıb.
Bu barədə REAL Partiyasının Məclis sədri Azər Qasımlı Turan-a bildirib.
Emin Babayev İnzibati Xətalar Məcəlləsinin 535.1-ci maddəsilə (Polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmama) təqsirli bilinib.
REAL-ın icra katibi Natiq Cəfərli isə Turan-a bildirib ki, mayın 4-də Babayevə iki nəfər yaxınlaşaraq polis bölməsinə getməsini istəyib. Polis bölməsində onun barəsində "küçədə nalayiq ifadələrlə telefonla danışarkən polisin qanuni tələblərinə tabe olmaması" ilə bağlı protokol tərtib edilib, amma ona ünvanlanmış sualların çoxu sosial şəbəkələrdə fəaliyyəti və REAL Partiyası barədə olub.
Mayın 4-də Emin Babayevi Səbayil Rayon Məhkəməsinə aparıblar. Hakim İlkin Rüstəmli qərarın çıxarılmasını təxirə salaraq, prosesi mayın 6-na təyin edib.
Cəfərli bildirib ki, ittihamlar həqiqətini əks etdirmir, partiya fəalının fəaliyyəti ilə bağlıdır.
Polis fəalın saxlanılması ilə bağlı hələ məlumat yaymayıb. -03B-
* * *
2019 May 06 (Bazar ertəsi) 14:10:17
ReAl partiyasının üzvünü "polisə tabe olmamaqda" ittiham edirlər
Баку/04.05.19/Turan: ReAl partiyasının üzvü Emin Babayev barəsində İnzibati Xətalar Məcəlləsinin 535.1-ci maddəsilə (Polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmama) protokol tərtib olundu və o, məhkəmə qarşısına çıxarıldı.
Bu barədə AzadlıqRadiosuna partiyanın icra katibi Natiq Cəfərli məlumat verdi.
Cəfərlinin sözlərinə görə bu gün, mayın 4-ü səhər saat 11 radələrində Babayevə iki nəfər yaxınlaşaraq ona polis bölməsinə getmək lazım olduğunu dedilər. Bölmədə onun barəsində "küçədə nalayiq ifadələrlə telefonla danışarkən polislərin qanuni tələblərinə tabe olmamasına" görə protokol tərtib ediblər, amma bölmədə ona ünvanlanmış sualların çoxusu sosial şəbəkələrdə fəaliyyəti və ReAl partiyası haqqında idi.
"Sonra Emini Səbayil Rayon Məhkəməsinə apardılar. Məhkəmənin növbətçi hakimi İlkin Rüstəmli qərarın çıxarılmasını təxirə salaraq, prosesi ayın 6-na təyin etdi".
Cәfәrli onu da qeyd etdi ki, mәhkәmә Babayevi qәrarın elan olunmasına qәdәr sәrbәst buraxsa da, Sәbail rayonun polis bölmәsinә iltizamı imzalamağa gedәn Babayevi bu saata qәdәr ordan buraxmayıblar.
Cəfərli əlavə etdi ki, ittihamlar həqiqətini əks etdirmir və Babayevin fəaliyyəti ilə bağlıdır. -0-
Cəmiyyət
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
-
Bakının məşhur restoranlarından olan “Şuşa” restoranın söküntüsü davam etdirilir. Bu gün səhər saatlarında bir neçə ekskavator restoranının ətrafında söküntü işlərini davam etdirib.
Rəy yaz