![Məhkəmə saytın Rabitə Nazirliyinə qarşı iddiasını təmin etməyib](https://turan.az/resized/media/2019/main/122500023933-750-500-resize.webp)
Məhkəmə saytın Rabitə Nazirliyinə qarşı iddiasını təmin etməyib
Bakı/25.12.19/Turan: Ötən gün 1 saylı Bakı İnzibati-İqtisadi Məhkəməsində “arqument.az” saytının Rabitə Nazirliyinə qarşı iddiası üzrə məhkəmə başa çatıb.
Redaksiya bu il 8-10 aprel tarixlərində Rabitə Nazirliyi tərəfindən saytın bloklanmasını qanunsuz hesab edir.
Saytın redaktoru Şəmşad Ağa Turan-a bildirib ki, Cəlilabad rayonunda yerli sakinlərin kütləvi etiraz aksiyası haqda məqalə və videomaterialın dərcindən sonra sayt bloklanıb.
“Saytı blokladılar və bizdən tələb etdilər ki, materialı çıxaraq. Biz imtina etdik, ancaq iki gündən sonra saytı açdılar”, - o deyib.
Redaksiya nazirliyin hərəkətinin qanunsuz olmasının tanınmasını istəyib. Məhkəmə zamanı Rabitə Nazirliyinin nümayəndələri saytın bloklanmasında iştirak etmədiklərini söyləyiblər. 4 ay davam edən məhkəmə prosesindən sonra iddia təmin edilməyib. Redaksiya apellyasiya şikayəti verəcək.-06D-
-
- İqtisadiyyat
- 25 Dekabr 2019 13:28
-
- Cəmiyyət
- 25 Dekabr 2019 13:32
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz