Məhkəmə Taleh Bağırzadəyə işgəncə verilməsi ilə bağlı şikayətə baxacaq

«Müsəlman Birliyi» Hərəkatının lideri Taleh Bağırzadə DİN Cinayətkarlığa Qarşı Mübarizə Baş İdarəsində işgəncələrə məruz qalıb. Bununla əlaqədar müdafiə tərəfi məhkəmə nəzarəti qaydasında şikayət verib. Şikayətə yanvarın 14-də saat 15:00-da Nəsimi Rayon Məhkəməsundə baxılacaq.

T.Bağırzadə noyabrın 26-da Nardaranda keçirilən xüsusi əməliyyat zamanı saxlanılıb. Hadisə zamanı 2 polis və 4 mülki şəxs həlak olub. Hüquq-mühafizə orqanları T.Bağırzadəni və onun tərəfdarlarını hakimiyyətin zorla ələ keçirilməsi cəhdində, terrorizm, qanunsuz silahlı qruplaşmanın yaradılmasında ittiham edirlər.

T.Bağırzadənin vəkili Cavad Cavadov onunla dekabrın 29-da görüşə bilib. Bu barədə o, özünün Facebook səhifəsində yazıb. Lakin C.Cavadova müttəhimlə məxfi söhbət etməyə imkan verilməyib.

Buna baxmayaraq, T.Bağırzadə  etirafedici ifadələr almaq üçün ona işgəncə verildiyini vəkilə deyə bilib. Ancaq T.Bağırzadə özünü günahlar saymayıb və heç kimin əleyhinə yalan ifadə verməyib. Vəkilin sözlərinə görə, onun burnu sındırılıb.

T.Bağırzadənin digər hüquqları da pozulur. O, evdən ərzaq, geyim ala bilmir, doğmaları ilə telefonla danışa bilmir. Cinayətkarlığa Qarşı Mübarizə Baş İdarəsində saxlanma özü də qanun pozuntusudur. Çünki həbs qətimkan tədbiri barədə məhkəmə qərarından sonra T.Bağırzadə Penitensiar Xidmətin təcridxanasına köçürülməlidir. Lakin demək olar ki, bir ay yarımdır ki o, Cinayətkarlığa Qarşı Mübarizə Baş İdarəsində saxlanılır.

“Biz T.Bağırzadənin hüquqlarının pozulması və ona qarşı işgəncənin tətbiqilə bağlı  məhkəmə nəzarəti qaydasında şikayət vermişik. İclas yanvarın 14-də saat 15:00-da Nəsimi Rayon Məhkəməsində olacaq. Məhkmə iclası zamanı biz işgəncə faktlarının araşdırılması üçün məhkəmə-tibbi ekspertizanın keçirilməsi barədə vəsatət qaldıracağıq, - C.Cavadov bildirib.

Hüquq-mühafizə orqanlarından şərh almaq mümkün olmayıb.06D--