Açiq mənbələrdən foto.
Bakı/02.09.20/Turan: Çərşənbə günü Nəsimi rayon məhkəməsində Xalq Cəbhəsi Partiyasının üç fəalı: Gündüz Mirzəyev, Telman Seyfullayev və Baba Süleymanov barəsində qətimkan tədbirinin dəyişdirilməsi və onların ev dustaqlığına buraxılması haqqında vəsatətlərə baxılıb.
Onlar 14-15 iyul “Qarabağ aksiyası” ilə əlaqədar həbs ediliblər və “başqasının əmlakını məhv etməkdə”, “ictimai asayişi pozmaqda” və “polisə müqavimət göstərməkdə” ittiham olunurlar.
Məhkəmə vəsatətləri təmin etməyib və fəalları həbsdə saxlayıb, bu barədə AXCP-dən bildiriblər.
Vəkillər bu qərarlardan şikayət verəcəklər.
Xatırladaq ki, iyulun 14-15-də Bakıda Tovuz rayonunda ermənilərlə döyüşən Azərbaycan Silahlı Qüvvələrinə dəstək yürüşü keçirilib.
Etirazçılardan ibarət bir qrup parlamentin binasına daxil olub. Bundan sonra polis aksiyanı dağıdıb.
Aksiyadan sonra 48 AXCP üzvü saxlanılıb. Onların 18-i cinayət məsuliyyətinə cəlb edilib, 16-sı inzibati qaydada həbs edilib. Digərləri dindirildikdən sonra sərbəst buraxılıb. -03B06-
Cəmiyyət
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
Rəy yaz