Mehman Əliyevə görə Prezidentə müraciət

Azərbaycan jurnalstikasının bəzi tanınmış simları Mehman Əliyevə görə prezidentə müraciət edib.

Sənədi imzalayan şəxslər M.Əliyevin jurnalistika sahəsində 29 illik fəaliyyətinin şahidi olduqlrını və yeni Azərbaycan mediasının, mətbuatın özünüidarəçilik mexanizminin formalaşmasında böyük xidmətləri olduğunu var:

''M.Əliyev 26 il ölkənin ilk müstəqil informasiya agentliyinə rəhbərlik edib. Ondan əvvəl də yalnız mediamızda yüksək peşəkarlıq nümunələri sayılan KİV-lərdə çalışıb. Digər tərəfdən, hazırda vergi orqanları tərəfindən "Turan" Agentliyinə qarşı irəli sürülmüş ittihamlar üzrə istintaq hərəkətlərinin M.Əliyev azadlıqda qalmaqla aparılmasına heç nə mane yoxdur".

Müəlliflər deyirlər ki, Agentliyin direktoru istintaqa təsir göstərməyə cəhd etməyib və M.Əliyevu tanıyan şəxslər kimi ona zamin durmağa hazır olduqalrını da bəyan edirlər.

Müraciət müəllifləri M.Əliyevə qarşı irəli sürülən ittihamların iqtisadi əsaslı olmasına baxmayaraq həbsinin ictimai rəydə jurnalistin peşə fəaliyyəti ilə bağlı təqib olunması kimi qavranıdlığını vurğulayırlar: "M.Əliyevin, həqiqətən, hakimiyyətin fəaliyyəti ilə bağlı ardıcıl tənqidi çıxışları olub, lakin onlar etik qaydalar və qarşı tərəfə hörmətli münasibət çərçivəsindən kənara çıxmayıb. Tənqid obyektlərindən isə kiminsə həmin çıxışlara fərqli münasibəti ədalət mühakiməsinin yürüdülməsinə təsir göstərməməlidir''.

Müəlliflər vurğulayırlar ki, Azərbaycanın ən yeni tarixində media və jurnalistlərlə bağlı böhranlı anlarda dövlət başçılarının işə qarışaraq gərginliyi aradan qaldırması halları az olmayıb: "Çox ümid edirik ki, cəmiyyətdə bu ənənənin davamı kimi qiymətləndiriləcək addım atacaqsınız" - deyə müraciətdə bildirilir.

M.Əliyevin taleyinə görə, narahatlıq keçirən müəllifləi onun azadlıqdan məhrum edilmədən istintaqın aparılması üçün müvafiq təşkilatlara göstəriş verməyi xahiş edirlər.

Sənədi "Yeni Nəsil" Jurnalistlər Birliyi adından Arif Əliyev, Azərbaycan Jurnalistlər Birliyi adından Elçin Şıxlı, "Jurnalistikanın inkişafına yardım Mərkəzi" adından Qulu Məhərrəmli və müstəqil jurnalist İbrahim Nəbioğlu imzalayıblar.-0-