"Turan"İnformasiya Agentliyinin rəhbəri Mehman Əliyevin qanunsuz həbsindən sonra 28 avqust 2017-ci ildə agentliyin 10-a yaxın işçisi və onunla əməkdaşlıq edən şəxs Vergilər Nazirliyinin Vergi Cinayətlərinin İbtidai Araşdırılması Departamentinə çağırılmışdır. Agentlik əməkdaşlarının eyni gündə çox qısa zaman fasiləsi ilə şahid qismində dindirilmək üçün istintaq orqanına dəvət edilməsi bir sıra kobud qanun pozuntularıyla həyata keçirilmişdir. Belə ki, onlardan iki nəfər əvvəlcədən vəkillə təmin olunmasına və vəkilə etibarnamə verilməsinə baxmayaraq, istintaq oprqanı tərəfindən dindirmədə nümayəndənin iştirakından qanunsuz olaraq məhrum edilmişdir.
Mehman Əliyevə açılmış saxta cinayət işinin istintaq qrupunun rəhbəri Vüsal İbadov bu qanunsuzluğa hər hansı ağlabatan izah verməmişdir. Nəticədə şahidlər hüquqi xidmətdən məhrum edilməklə, faktiki olaraq onlardan mənəvi-psixoloji təzyiq mühitində ifadə alınmmışdır.
Eyni zamanda, agentliyin sabiq və hazırki dörd əməkdaşı iş saatı başa çatmasına baxmayaraq, təxminən axşam saat 9-10-na qədər dindirilmişdir. Agentliyin əməkdaşlarının şahid qismində dindirilməsi avqustun 29-da da eyni intevsivlikdə davam etdirilmişdir.
Hesab edirik ki, agentlik əməkdaşlarının prosessual qanun pozuntuları şəraitində, vəkil xidmətindən məhrum edilməklə, görünməmiş xüsusi bir intensivliklə dindirilməyə cəlb edilməsi Mehman Əliyevə verilmiş qurama ittihamın nəyin bahasına olursa olsun "möhkəmləndirilməsi" məqsədinə xidmət edir.
Turan İnformasiya Agentliyi istintaq orqanının bu kobud qanun pozuntularını qətiyyətlə pisləyir, istintaq orqanını qanunçuluğa riayət etməyə, istintaq hərəkətlərini cinayət prosessual qanunvericiliyin tələblərinə uyğun şəkildə həyata keçirməyə dəvət edir.-0-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz