![Mehman Əliyevin apellyasiya şikayətlərinə baxılması sentyabrın 11-nə qədər təxirə salınıb](https://turan.az/resized/750/500/resize/media/2017/main/090800004367.jpg)
Mehman Əliyevin apellyasiya şikayətlərinə baxılması sentyabrın 11-nə qədər təxirə salınıb
Bakı/08.09.17/Turan: Turan İnformasiya Agentliyinin direktoru Mehman Əliyevin apellyasiya şikayətlərinə baxılması sentyabrın 11-nə qədər təxirə salınıb. Bu barədə jurnalistlərə Fuad Ağayev bildirib.
Əliyevin avqustun 24-də saxlanmasından verilmiş şikayətə baxılması 8 sentyabr saat 14:30-a təyin edilmişdi. Saat 15:00-da isə Əliyevin girov müqabilində azadlığa buraxılmasından verilmiş şikayətə baxılması planlaşdırılırdı. Amma iclaslar baş tutmadı.
"Hüquq sahəsində 35 illik fəaliyyətim ərzində indiyə qədər heç vaxt belə bir şeylə qarşılaşmamışam ki, hakim, prokuror, müstəntiq, vəkil zala gəlsin, amma iclas keçirilməsin", deyə Ağayev qeyd edib.
Onun sözlərinə görə, saat 18:00-a bir neçə dəqiqə qalmış məhkəmədən ona bildiriblər ki, "konvoyla bağlı problemlə əlaqədar Mehman Əliyevi məhkəməyə gətirə bilməyiblər.
Bazar ertəsi şikayətlərə müvafiq olaraq saat 14:30-da və 15:00-da baxılacaq.
* Mehman Əliyev avqustun 24-də saxlanılıb. Növbəti gün ona qarşı CM-in 213.1 (vergi ödənişindən yayınma), 308.1 (vəzifə səlahiyyətlərindən sui-istifadə) və 192.2.2-ci (böyük gəlir əldə etməklə qanunsuz sahibkarlıq) maddələri ilə ittiham irəli sürülüb. Məhkəmə onun barəsində noyabrın 7-nə qədər həbs qətimkan tədbiri seçib. Əliyev bütün ittihamları təkzib edib və onları siyasi motivli adlandırıb.
Beynəlxalq təşkilatlar Əliyevin həbsini pisləyib və onu dərhal azad etməyə çağırıb. ABŞ Dövlət Departamenti də Mehman Əliyevi dərhal azad etməyə çağırıb. Fransa və Böyük Britaniya XİN Əliyevin həbsi ilə bağlı narahatlıq ifadə edib və Azərbaycan hakimiyyətini insan hüquqları sahəsində beynəlxalq öhdəliklərinə riayət etməyə çağırıb. -06B-
-
- Dünyada
- 9 Sentyabr 2017 01:20
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz