![Mehman Əliyevin apellyasiya şikayətlərinə baxılması aydın olmayan səbəblərdən təxirə salınır](https://turan.az/resized/media/2017/main/090800004366-750-500-resize.webp)
Mehman Əliyevin apellyasiya şikayətlərinə baxılması aydın olmayan səbəblərdən təxirə salınır
Bakı/08.09.17/Turan: Bakı Apellyasiya Məhkəməsində vəkil Fuad Ağayevə Turan İnformasiya Agentliyinin direktoru Mehman Əliyevin şikayətlərinə baxılmasının uzadılmasının səbəbləri haqqında aydın məlumat vermirlər. Vəkil hesab edir ki, Əliyevi ümumiyyətlə məhkəməyə gətirməyiblər.
Ağayev məhkəmə binasında gözləməyə davam edir.
Məhkəmənin binası qarşısında bir qrup fəal və jurnalist də araşdırmanın nəticələrini gözləyir.
Avqustun 24-də Əliyevin saxlanılmasından verilən şikayətə baxılması saat 14:30-a təyin edilmişdi.
15.00-da isə Əliyevin girov müqabilində buraxılmasından imtina ilə bağlı şikayətə baxılması planlaşdırılırdı.
* Mehman Əliyev avqustun 24-də saxlanılıb. Növbəti gün ona qarşı CM-in 213.1 (vergi ödənişindən yayınma), 308.1 (vəzifə səlahiyyətlərindən sui-istifadə) və 192.2.2-ci (böyük gəlir əldə etməklə qanunsuz sahibkarlıq) maddələri ilə ittiham irəli sürülüb. Məhkəmə onun barəsində noyabrın 7-nə qədər həbs qətimkan tədbiri seçib. Əliyev bütün ittihamları təkzib edib və onları siyasi motivli adlandırıb.
Beynəlxalq təşkilatlar Əliyevin həbsini pisləyib və onu dərhal azad etməyə çağırıb. ABŞ Dövlət Departamenti də Mehman Əliyevi dərhal azad etməyə çağırıb. Fransa və Böyük Britaniya XİN Əliyevin həbsi ilə bağlı narahatlıq ifadə edib və Azərbaycan hakimiyyətini insan hüquqları sahəsində beynəlxalq öhdəliklərinə riayət etməyə çağırıb. -06B-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz