Sabah, sentyabrın 8-i Bakı Apelyasiya Məhkəməsində Mehman Əliyevin işi ilə bağlı verilən şikayətə baxılacaq.
Bu barədə vəkil Fuad Ağayev məlumat yayıb:
"Bakı Apellyasiya Məhkəməsindən zəng vurub dedilər ki, tutma qərarı ilə bağlı apellyasiya şikayətinə sabah baxılacaq"
Bu gün, sentyabrın 7-si "Turan" İnformasiya Agentliyinin (İA) həbsdə olan direktoru Mehman Əliyevlə bağlı Yasamal Rayon Məhkəməsinin qərarından apellyasiya şikayəti verilmişdi.
Müdafiə tərəfi bundan əvvəl Yasamal Rayon Məhkəməsinə girov əvəzində M.Əliyevin ev dustaqlığına buraxılması ilə bağlı vəsatət təqdim etmişdi.
Həmin vəsatətdə M.Əliyevin tutulmasının əsassız olduğu bildirilirdi. Dünən, sentyabrın 6-sı Yasamal Rayon Məhkəməsində vəsatətə baxılıb və o, təmin edilməmişdi.
M.Əliyev özü də məhkəmədə çıxış etmişdi. Vəkilinin vəsatətini müdafiə edən M.Əliyev bildirmişdi ki, həbsindən əvvəl də dəfələrlə şifahi şəkildə istintaqa çağrılıb və hər dəfə də gedib ifadə verib. Həbs olunan gün isə istintaq orqanına onu telefon zəngi ilə çağırıblar.
Hakim isə bu deyilənləri nəzərə almamışdı.
Bu apellyasiya şikayətində həmin qərara etiraz bildirilir.
Vəkil sentyabrın 6-da keçirilən prosesdən sonra bildirmişdi ki, qərardan apellyasiya şikayəti veriləcək. Əgər Bakı Apellyasiya Məhkəməsi də şikayəti təmin etməsə, bu işi Avropa İnsan Hüquqları Məhkəməsinə göndərəcəklər.
Avqustun 25-i Yasamal Rayon Məhkəməsinin qərarı ilə "Turan" İnformasiya Agentliyinin direktoru M.Əliyev haqqında noyabrın 7-nə kimi həbs-qətimkan tədbiri seçilib. Bundan bir gün əvvəl isə o, şübhəli şəxs qismində saxlanmışdı.
Ona Cinayət Məcəlləsinin 213.1 (vergi ödənişindən yayınma), 308.1 (vəzifə səlahiyyətlərindən sui-istifadə) və 192.2 (qanunsuz sahibkarlıq) maddələri ilə ittiham irəli sürülüb.
Vergilər Nazirliyi avqustun 8-də "Turan" Agentliyinin fəaliyyətinin səyyar vergi yoxlamasına başlayıb. Nazirlik iddia edir ki, 60 min manat vergidən yayındırılıb. M.Əliyev ittihamları qəbul etmir.
Avqustun 17-də isə artıq agentlikdən son 7 ilin sənədlərinin istənildiyi bildirilib. Üstəlik, agentliyin bütün bank hesabları dondurulub.
Avqustun 31-i isə kollektiv bəyan edib ki, "Turan" İnformasiya Agentliyi kommersiya qurumu olaraq fəaliyyətini dayandırır. Ancaq "Turan"da çalışanlar sayt vasitəsilə fəaliyyətlərini könüllülük əsasında davam etdirirlər. Agentliyin əməkdaşları, hələ də istintaqa çağırılmaqdadırlar.-0-
Cəmiyyət
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
-
Google, Ambition Loop, Azercell və “Azərbaycan Dəmir Yolları” QSC kimi qlobal və yerli şirkətlərin nümayəndələri dayanıqlı inkişafın təşviqində korporativ məsuliyyət, innovasiya və tərəfdaşlıqların rolunu müzakirə ediblər
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
Rəy yaz