Azərbaycan rəsmilərinə sanksiyalar Senat gündəminə gəldi (YENİLƏNİB)

Maliiyyələşfdirrmə komitəsi düzəlişi qəbul etdi. Bundan sonra sənədə Senat səs verməlidir.

* * *

2017 Sentyabr 07 (Cümə axşamı) 23:09:24

Bakı/07.09.17/Turan: ABŞ Senatoru Riçard Durbin bu dəqiqələrdə Mehman Əliyevin həbsində iştirakı olan Azərbaycan rəsmilərinə qarşı sanksiyalar barədə düzəliş təqdim edib.

Senatorun təqdim etdiyi düzəliş Mehman Əliyevin həbsində rol oynamış bütün Azərbaycan rəsmilərinə Amerika Birləşmiş Ştatlarına daxil olmağı qadağan edir.

Düzəliş Dövlət Katibindən rica edir ki, sanksiyaların tətbiq olunacağı Azərbaycan rəsmilərini müəyyən etsin.

Düzəliş 2018-ci büdcə ili üçün Ştat və Xarici Əməliyyatlara dair qanun layihəsinin müzakirəsi əsnasında təqdim olunub, və hazırda Vaşinqtonda tam komitə heyəti tərəfindən nəzərdən keçirilir.

İllinois ştatını təmsil edən Demokrat Senator Durbin 1997-ci ildən bəri Senatda xidmət edir.

İnsan haqlarının fəal müdafiəçisi kimi tanınan Senator Durbin Demokrat Partiyasının Konqresdə nüfuzlu qanunvericilərindən biri kimi tanınır.