Fevralın 10-da Bakının Suraxanı rayon Məhkəməsində hakim Ceyhun Qədimovun sədrliyi ilə bloger Mehman Huseynovun məhkəməsi üzrə hazırlıq iclası başlayıb.
Mehman Hüseynov Turan-a bildirib ki, ona qarşı xüsusi ittiham qaydasında şikayəti Nəsimi rayon Polis İdarəsinin rəisi Musa Musayev verib və Mehman Hüseynovun Cinayət Məcəlləsinin 147.2-ci maddəsilə (Ağır vəya xüsusilə ağır cinayətdə ittiham etməklə böhtan atma) məsuliyyətə cəlb olunub cəzalandırılmasını xahiş edir.
Məhkəmədə Mehman Hüseynov və vəkili şikayətçinin məhkəməyə gəlməsi və blogerin şəxsiyyətini təsdiq edən sənədlərin bir neçə il əvvəl polis tərəfindən alındığı barədə vəsatət qaldırıb.
“Mən məhkəməyə bildirdim ki, şəxsiyyətimi təsdiq edən hər hansı sənədim yoxdur. Əvvəlcə mənim doğrudan da Mehman Hüsaeynov olduğumu məhkəmə təsdiq etməlidir. Bu səbədən sənədlərim polisdən tələb edilməlidir”, deyə o qeyd edib.
Hüseynov həmçinin iddia ilə tanış olmadığını deyib və məhkəmənin hazırlıq iclasının təxirə salınmasını istəyib.
Məhkəmənin hazırlıq iclası fevralı 17-si saat 10.30-dək təxirə salınıb.
Mehman Hüseynov tənqidçi blogerdir. Onun səhifəsinin 103.391 nəfər daimi izləyicisi var. Bloger son aylarda yüksək vəzifəli məmurların, deputatların, o cümlədən bəzi nazirlərin villaları, sarayları, evlərindəki bahalı mebellər, çıl-çıraqlar və sairə ilə bağlı videolar yayıb. Bu videolar tez bir zamanda populyarlaşıb, ictimai müzakirələrin mövzularına çevrilib. Videolara yüz minlərlə insan baxıb.
Bu videolar yayıldıqdan sonra, 2017-ci il yanvarın 9-da Mehman Hüseynov saxlanılıb. Polisin qanuni əmrinə tabe olmamaqda günahlandırılan bloger bir gün sonra 200 manat cərimə edilməklə sərbəst buraxılıb.
M.Hüseynov azad edildikdən sonra jurnalistlərə deyib ki, saxlanılarkən və sonra polislər ona işgəncə verib.
Nəsimi Rayon Məhkəməsinin qərarında blogerin 200 manat cərimə edilməsi ilə yanaşı, onun şikayətinin prokurorluqda araşdırılması da öz əksini tapıb.
Yanvarın 11-də isə Mehman Hüseynovun vəkili onun bədənində xəsarət yerlərinin və paltarında qan ləkələrinin əks olunduğu fotoları yayıb.
Nəsimi rayon Polis İdarəsinin rəisi Musa Musayev hesab edir ki, bloger ona işgəncə verildiyini söyləməklə polisi ağır cinayətdə ittiham etməklə böhtan atır.
Daxili İşlər Nazirliyi blogerin dediklərini təkzib edib. -03B-
Cəmiyyət
-
Sərhəd axtarışı və əməliyyat tədbirləri nəticəsində yanvar ayının 30-da saat 11:20-də "Göytəpə" sərhəd dəstəsinin xidməti ərazisində 16,4 kq narkotik vasitə (11 kq 300 qram marixuana, 5 kq 100 qram tiryək) və 1990 ədəd narkotik tərkibli güclü təsiredici metadon M - 40 həbinin qaçaqmalçılıq yolu ilə İrandan Azərbaycana ərazisinə keçirilməsinin qarşısı alınıb.
-
Fevralın 5-də soyuq, küləkli hava şəraiti gözlənilir, xəbəri sinoptiklər yayıb. Paytaxtda və ölkənin əksər hissəsində gücü saniyədə 20 metrə çatan şimal-qərb küləyi əsəcək.
-
Məntəqə daxilində vətəndaşın razılığı olmadan çəkiliş aparmaq dayandırıla bilər. Yerli mediada yayılan məlumatlara görə, bununla bağlı fevralın 1-də Mərkəzi Seçki Komissiyasının (MSK) sədri Məzahir Pənahov danışıb. Qurumun sədrinin sözlərinə görə, bu proses tamamilə qadağaya səbəb ola bilər: "Vətəndaşla söhbət etmək, onun fikrini almaq olar. Amma onun işinə, prosesə mane olmaq, icazəsiz çəkiliş aparmaq doğru deyil".
-
Fevralın 4-də Bakıda hava dəyişkən olacaq, yağıntı olmayacaq. Səhər və axşam bəzi yerlərdə duman olacaq. Mülayim cənub-qərb küləyi əsəcək. Havanın temperaturu gecə müsbət 4 +7, gündüz müsbət 8 + 13 dərəcə olacaq. Rütubət 70-80 faiz olacaq.
Rəy yaz