Мехман Гусейнов
Mehman Hüseynovun yanına vəkil buraxılmır
Bakı/26.01.19/Turan: Bakı 1 saylı istintaq təcridxanasında olan bloger Mehman Hüseynovun yanına vəkil buraxılmır. Bu barədə blogerin qardaşı, Reportyorların Azadlıq və Təhlükəsizlik İnstitutunun (RATİ) direktoru Emin Hüseynov bildirib.
Vəkilin iştirakını prosedur tələb edir. Belə ki, müstəntiq vəkilin iştirakı ilə cinayət işinə xitam verildiyini elan etməlidir.
Amma İstintaq Təcridxanasının administrasiyası görüşə gələn vəkilə bildirib ki, Mehman Hüseynov "yeni statusdadır" və vəkil yeni müqavilə və Penitensiar Xidmətdən icazə təqdim etməlidir.
Blogerin qardaşı baş verənləri özbaşınalıq və Mehmana qarşı təzyiqin davam etməsi kimi dəyərləndirib.
Xatırladaq ki, iki gün əvvəl prokurorluq blogerin polisə böhtan atmaq barədə saxta ittiham üzrə cəzasını çəkdiyi 14 saylı cəzaçəkmə müəssisəsində dekabrın 26-da guya nəzarətçiyə hücum etməsi ilə bağlı ona qarşı başlanmış cinayət işinə xitam verildiyini elan edib. -06D-
Cəmiyyət
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
Rəy yaz