Memarlıq-İnşaat Universiteti İbad Hüseynova saxta vəsiqə verib

Bakı/12.01.18/Turan: Hərbi ekspert U.Cəfərov Qarabağ müharibəsinin tarixinin saxtalaşdırılmasına qəzəblənib.

Ermənistanda Qarabağın və Azərbaycan-Ermənistan müharibəsinin tarixi təhrif edilirsə, bu, aydın məsələdir, düşmənin sərfəli olan siyasi məna daşıyır. Amma elə bu tarixi Azərbaycan KİV-lərinin və siyasətçilərinin saxtalaşdırması daha da pisdir. Azərbaycan Müdafiə Nazirliyinin mətbuat xidmətinin keçmiş əməkdaşı və hərbi ekspert Üzeyir Cəfərov KİV-də və televiziyada İbad Hüseynov haqqında yalan məlumatın yayılmasının davam etməsinə qəzəblənib. Turan-a müsahibəsində o, yeni, təəccübləndirici faktlar göstərir.

- Turan-a müraciətinizin səbəbi nədir?

- Bəzən peşə sahəmdən kənara çıxmaqlazım gəlir, amma Azərbaycan KİV-ləri və Milli Teleradio Şurasının rəhbəri Nuşirəvan Məhərrəmli öz işini yerinə yetirmirsə və yalanın yayılmasının qarşısını almırsa, nə edək? Bu, gənclər arasında yanlış informasiyanın yayılması fonunda xüsusilə pis haldır. Dərc olunan və yayımlanan hadisələr, həqiqətin təhrifi gənclərin tərbiyəsinə və mənəvi vəziyyətinə zərər verir. Məni hansı pis nəticələr gözləsə də, həqiqəti deyəcəyəm.

Təəssüf ki, son illər televiziya kanallarımız Azərbaycanlıların milli təfəkkürünün təhrif edilməsində sanki yarışır. İlk növbədə, bu, məsul vəzifələrə təsadüfi insanların təyin edilməsi ilə bağlıdır.

Yanvarın 11-də "Xəzər" telekanalının Zaur Kamalın apardığı "5/5" televerilişində hörmətli xalq artisti Rafiq Hüseynov ("Rəmiş") çıxış edirdi. Onun musiqi sənətindən danışmayacağam. Yaşı və səhhəti özünü göstərir, Allah ona uzun ömr versin. Amma o, efirdə bilmədiyi şeyi danışır, milyonlarla televiziya tamaşaçısına tamamilə uydurma nağılı təlqin edirdi. Onun sözləri məni və Qarabağda savaşan hər kəsi narahat etməyə bilməz. Artist bildirib ki, hörmətli veteran və Qarabağ müharibəsi qəhrəmanı İbad Hüseynovla birlikdə Türkiyə səfərində olub, bu da "Rəmişi" xoşbəxt edir.

Mən dəfələrlə demişəm ki, İ.Hüseynovla bağlı bu tarix nəinki Azərbaycanlılara bəzək vermir, bir gün hətta ölkəmizin nüfuzuna güclü zərbə vuracaq. Aparıcı Zaur Kamal və musiqiçi "Rəmiş" bilməlidirlər ki, İbad Hüseynov Azərbaycanın Milli Qəhrəmanı adını almayıb, Azərbaycan xalqını və türk dostlarımızı aldatmaq olmaz. Bu yalan çoxdan xoşagəlməz dedi-qodulara səbəb olur. Heç kim İbadın müharibə iştirakçısı kimi xidmətlərini inkar etmir. Amma o, ətrafdakıları aldada-aldada bir gün özü özünü məhv edəcək. Ən qısa zamanda özünü qəhrəman kimi qələmə verməkdən əl çəksə, elə onun özü üçün yaxşı olar.

- Bu yalan niyə "yürüdü"?

- İbadın ətrafında yığışan bəzi mənfur insanlar ondan öz məqsədləri üçün istifadə edirlər. Şəxsi mənfəət əldə etmək üçün onlar İbadı qurban verməyə hazırdırlar, biz artıq bu prosesi müşahidə edirik. İ.Hüseynovla gurultulu görüşlər keçirilir, onu Milli Qəhrəman kimi qələmə verirlər, hətta hansısa vəsiqələr, fəxri fərmanlar və döş nişanları verirlər. Məsul şəxslərdən çox xahiş edirəm diqqətli olsunlar və öz vəzifələrinə hörmət etsinlər.

Belə sənədlərdən birini sizə təqdim edirəm. Bu vəsiqə Azərbaycan Memarlıq və İnşaat Universiteti tərəfindən verilib, Milli Məclisin keçmiş rektoru Gülçöhrə Məmmədova tərəfindən imzalanıb. 00080 nömrəli sənəd "Milli Qəhrəman İbad Hüseynovun" adı çəkilən Universitetin fəxri nişanına layiq görüldüyü haqqındadır. Aydındır ki, bu sənədin heç bir hüquqi əsası yoxdur, amma yalan görünüş yaradır, yalnış məlumatı yayır. Bunun arxasında ciddi hüquqi cinayət durur. Rütbəsindən və vəzifəsindən asılı olmayaraq, hamını bu cür sənədləri imzalarkən məsuliyyətli olmağa çağırıram. İbad Hüseynova isə israrla vaxtında doğru yola qayıtmağı məsləhət görürəm.

İbad Hüseynov Qarabağ müharibəsində iştirak edib. Hüseynovun rəhbərlik etdiyi 14 nəfərdən ibarət diversiya-kəşfiyyat dəstəsi Martunin rayonunda keçirilən döyüşlərdə iştirak edib. Hüseynovun iddiasına görə, guya 1993-cü ilin iyununda o, Muğanlı kəndində erməni hərbi rəisi, keçmiş ASALA üzvü Monte Melkonyanı öldürüb və onun başını kəsib.

Amma sübut edilib ki, Melkonyanı Mərzili kəndində Ağdam briqadasının döyüşçüləri öldürüb, Hüseynovun dedikləri isə saxtakarlıqdır.

Melkonyanın başı kəsilməmişdi, dəfndə çəkilmiş foto və video bunu sübut edir.

1994-cü ildə Azərbaycan Prezidenti Heydər Əliyevin 9 oktyabr 1994-cü il tarixli 218 saylı Fərmanı ilə İbad Hüseynov "Azərbaycan Bayrağı" ordeni ilə təltif edilib.

Kamal Əli

Rəy yaz

Cəmiyyət

İran Prezidentinin həlak olduğu hadisə Azərbaycan- İran münasibətlərinə təsir edə bilərmi? – Nəsimi Məmmədli Çətin sualda



Bizi sosial şəbəkələrdə izləyin

Xəbər lenti