![Мамед Ибрагим](https://turan.az/resized/750/500/resize/media/2018/main/111600014824.jpg)
Мамед Ибрагим
Məmməd İbrahimin işi üzrə yeni məhkəmə başlayır
Bakı/16.11.18/Turan: Gələn həftə Xalq Cəbhəsi Partiyasının sədrinin müşaviri Məmməd İbrahimin işi üzrə növbəti məhkəmə prosesi başlayır. Hazırlıq iclası Bakının Suraxanı rayon məhkəməsində noyabrın 19-na təyin edilib, bu barədə Turan-a onun vəkili Cavad Cavadov bildirib.
Xatırladaq ki, Məmməd İbrahim 30 sentyabr 2015-ci il tarixində həbs edilib və xuliqanlıq ittihamı ilə 3 il müddətinə mühakimə edilib. O, hquq müdafiəçiləri tərəfindən siyasi məhbus kimi tanınıb.
Həbs müddətinin başa çatmasına bir gün qalmış ona qarşı yeni qadağan edilmiş əşyaların (bıçaq) qanunsuz saxlanılması ittihamı irəli sürülüb. Bu maddə ilə o, əlavə olaraq 6 aya qədər azadlıqdan məhrum edilə bilər. Sentyabrın 28-də Yasamal məhkəməsi onu 2 ay müddətinə həbs edib.
Müdafiə tərəfi M.İbrahimin cinayət təqibinə xitam verilməsinə nail olmaq niyyətindədir. Bir müddət əvvəl onun oğlu Turan İbrahim bildirib ki, istintaq müxalifətçinin təqsirinin səhih dəlillərini təqdim etməyib.
Onun sözlərinə görə, batıcı-kəsici alətin atasına məxsus olduğunun birbaşa dəlili yoxdur. "Vəkilin vəsatəti ilə bıçaqda atamın barmaq izlərinin olub olmamasının müəyyən edilməsi üçün ekspertiza təyin edilib. Ekspertlər bıçaqda atamın barmaq izlərinin olmadığı barədə rəy veriblər", deyə T.İbrahim bildirib. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz