![Mənzilləri yanan sakinlər yardımın olmamasından şikayətlənirlər](https://turan.az/resized/media/2013/main/033000032878-750-500-resize.webp)
Mənzilləri yanan sakinlər yardımın olmamasından şikayətlənirlər
Dünən güclü yanğın nəticəsində ziyan dəymiş dəmir yolu vağzalının yanındakı evlərin sakinləri dövlət qurumları tərəfindən yardımın olmamasından şikayətlənirlər. Yanmış evlərdən başqa Süleyman Rəhimov küçəsindəki üçmərtəbəli evin bütün mənzilləri demək olar ki, yanğın söndürülərkən su altında qalıb. “Mənzillərimiz suyun içindədir. Əmlakımıza ziyan dəyib, lakin heç kim bizim dərdimizlə maraqlanmır”, - sakinlərdən biri bildirib.
Digər sakin Təbrik Əliyevin üçüncü mərtəbədəki 6 otaqlı mənzili büsbütün yanıb. Ailə qohumlarının yanında gecələyib. Onlara bildiriblər ki, dəyən zərər FHN-in mütəxəssisləri tərəfindən qiymətləndiriləcək. Lakin onların bundan sonra harada yaşayacağı məlum deyil.
Eyni zamanda bitişik Şamil Əzizbəyov küçəsindəki iki mənzilə yanğın nəticəsində ziyan dəyib. Belə ki, ikiotaqlı mənzil tamamilə, bir mənzil isə qismən yanıb. Digər mənzilləri su basıb.
Hazırda FHN-in əməkdaşları maddi ziyanın qiymətləndirilməsi ilə məşğuldur.
Qeyd edək ki, FHN-in məlumatında Şamil Əzizbəyov küçəsindəki mənzillərin yanmasının səbəbləri açıqlanmayıb.—0-
***
Saat 23:00-a yaxın dəmir yolu vağzalında baş vermiş yanğın söndürülüb.
FHN-in məlumatına görə, yanğın 2 min kv. Metrə yaxın ərazini əhatə edib. Zərərçəkən yoxdur.
Turan-ın müxbirinin hadisə yerindən verdiyi məlumata görə, yanğın nəticəsində tikilməkdə olan binaya böyük ziyan dəyib. Ətraf binalara da ziyan dəyib.
Cümə günü saat 20:00-a yaxın Şamil Əzizbəyov küçəsindəki yaşayış evində (dəmir yolu vağzalının arxası) yanğın baş verib.
Şahidlərin sözlərinə görə, yanğın üstüörtülü bazarın yanındakı tikilməkdə olan binada baş verib. Oradan yanan taxtalar bazarın damına düşüb və orada da yanğın başlayıb. Sonra alov yaxınlıqdakı evə keçərək 10 mənzilə çatıb. Güclü külək olduğundan alov çox tez yayılıb.
Hadisə yerinə 4 yanğınsöndürən maşın gəlib. Turan-ın müxbirinin hadisə yerindən verdiyi məlumata görə, xəsarət alanlar var. Çaxnaşmaya düşən adamlar əşyaları ilə birlikdə küçələrə çıxıblar. -0-
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz