Mərkəzdə və aeroport yolunda nəqliyyatın hərəkəti dayandırılır
Bakı/23.05.17/Turan: IV İslam Oyunlarının bağlanışı ilə əlaqədar mayın 22-də Excelsior otelindən Sabunçu dairəsinə, həmçinin "Azneft" meydanından Neftçilər prospektilə Yusif Səfərov küçəsinə qədər nəqliyyatın hərəkəti dayandırılacaq.
Aeroporta və şəhərətrafı qəsəbələrə gedən vətəndaşlar Balaxanı və ya Zıx şossesindən keçməlidir.
Neftçilər və Heydər Əliyev prospektlərində hərəkətin dayandırılması ilə əlaqədar sürücülər paralel küçələrdən istifadə etməlidirlər ki, bu da sonda bütün şəhərdə avtomobil tıxacı yaradacaq.
İslamiadanın bağlanış mərasiminə bileti olanlar Olimpiya Stadionuna saat 17:00-dan 20:00-dək Koroğlu metro stansiyasından və ya "20 yanvar", "Gənclik", Qara Qarayev metro stansiyalarının yaxınlığından ekspress-avtobuslarla gedə bilər.
Mərasim başa çatdıqdan sonra tamaşaçılar avtobuslarla geriye metro stansiyalarına aparılacaq. Ekspress-avtobuslarla gediş pulsuzdur.-02D-
-
- İqtisadiyyat
- 22 May 2017 14:51
-
- Maliyyə
- 22 May 2017 15:22
Cəmiyyət
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
-
Çərşənbə axşamı paytaxtda yağış gözlənilir, bəzi yerlərdə intensiv olacaq, şimşək çaxacaq. Mülayim şimal-qərb küləyi əsəcək. Proqnozlara görə, yağışlı hava çərşənbə axşamına qədər davam edəcək.
Rəy yaz