Məsələnin təhlükəli olması dn xadimlərinə indi çatır

Sələfi cərəyanına aid Azərbaycan vətəndaşlarının Suriyada kütləvi halda döyüşlərə qatılması narahatlğı ilə bağlı Qafqaz Müsəlmanları İdarəsi (QMİ) çərşəınbə axşamı öz ofisində toplantı keçirib. 

QMİ sədri, Şeyxülislam Allahşükür Paşazadə toprlantının “çox mühüm məsələ” ilə bağlı olduğunu deyib. Ölkədə ənənəvi şiə-sünni məzhəblərinin olduğu zamanlarda münasibətlərdə problem olmaması deyilib. 

Müstəqillikdən sonra ölkəyə ayaq açan yeni dini cərəyanların ölkə içində dini mühitə mənfi təsir etdiləri qeyd olunub. Bu sırada sələfi, xəvaric, təkfirçilər və nurçuların adları xüsusi hallanıb. Bu cərəyanlarda dinin ibadətlə tamamlanmadığı qeyd olunub. Bu cərəyanların digərlərini aşağılamalarının daxili münaqişlərə səbəb olduğu nəzərə çatdırılıb. 2008-ci ilin yayında Bakıdakı “Əbu-bəkr” məscidində, 2013-cü ilin sonlarında Sumqayıtda baş verən hadisələr bu aşağılamaların nəticəsi kimi ifadə edilib. A.Paşazadə belə insanların qanunun gücü ilə cəzalanmalarının da şərt olduğunu deyib. Digər tərəfdən ölkədə sələfilərin maliyyələşməsi sxeminə toxunulub. Müəyyən xarici ölkələrdən sələfi cərəyanlarına mallar gəldiyi, həmin malların satışından qazanılan purlların sələfilərin sayının artırılması yönündə də istifadə olunduğu qeyd olunub. Suriyada döyüşən Azərbaycan vətəndaşlarının “cihad” adı ilə aparılması, döyüşdə öldürülsələr “şəhid kimi “cənnət”ə düşəcəklıəri barədə deyimlərə təpki  göstərilib. Din xadimlərinə xütbələrində “şəhid”liyin mənası və kimlərə şəhid deyilməsi məsələsinə xüsusi yer vermək tövsiyyəsi olundu. “Kimlərinsdə kimlərəsə cənnət vədi verməsi gülüncdür, bu Allah əmrində olan məsələdir”-deyə A.Paşazadə mövqeyini ifadə edib. A.Paşazadə ad çəkmədən yüksək vəzifədə olan məmurların bəzilərinin övladlarının başqa cərəyanlara xidmət etdiyini deyib. “Onlar bu ölkədə əmirlik yaratmaq istəyir, sən nədən əminsən ki, atan həmin əmirlikdə məmur olacaq”-deyə sələfi cərəyanaında olan məmur övladlarına səslənib.   

Akademik Vasim Məmmdəliyev Suriyada hakimiyyətlə müxalitət arasında döyüş getdiyini, hər iki tərəfin müsəlman olduğunu, islama təhlükə olmadığını deyərək burada ölənin şəhid olmasının mümkünsüzlüyünü nəzərə çatdırıb. Onun fikrincə, döyüşə gedənlər qərəzli adamların əlinə düşən avmlar, dindən xəbərsiz adamlardır. 

Müfti Salman Musayevə görə isə ölkədə vəhabiliyin bu həddə gəlib çatmasında gqnahkar mediadır. “Media o tərfdən də yazır, bu tərəfdən də yazır, özünü məşhurlaşdırır”-deyə S.Musayev medianı tənqid və ittiham hədəfinə çevirib. Amma nə üçünsə ölkədə vəhabiliyn bu qədər dərin kök atmasında çalışdığı idarənin, dövlət qurumlarının bacarıqsılığını görə bilməyib.

Eyni zamanda toplantıdakı çıxışlarda bu insanların ölkə ərazisini tərk edərək Suriyaya necə gedib çıxmalarına dair bir fikir belə ifadə olunmayıb. 

Daha sonra QMİ Qazilər Şurasının məlum məsələ ilə bağlı fətfası oxunub. Fətfada dini maarifçşiliy gücləndirmək, gəncləri doğru yola dəvət etmək, lazım olduqda dövlətin belə işlərə qarışmasını təklif edən ümumi ifadələr yer alıb.-05C-