юрист Аслан Исмайлов
Bakı/23.11.18/Turan: Bakının Binəqədi rayon məhkəməsi hüquqşünas Aslan İsmayılova illik qazancının 20 faizi tutulmaqla, 1 il islah işləri və 1500 manat da cərimə cəzası kəsilib. Noyabrın 23-də Binəqədi Rayon Məhkəməsində hakim Mirheydər Zeynalov belə qərar çıxarıb. Hüquqşünas xuliqanlıq etməkdə təqsirli bilinib. Bundan başqa, hüquqşünasa 1500 manat cərimə kəsilib.
İsmayılova qarşı cinayət işi 2017-ci ilin oktyabrında başlayıb. Hökmə əsasən, A.İsmayılov onu təhqir etdiyinə görə Müasir Müsavat Partiyasının sədri Hafiz Hacıyevə qarşı xüsusi ittiham qaydasında iddia qaldırıb. Binəqədi Rayon Məhkəməsinin hakimi Rəşad Əliyev iddianı icraata götürməkdən imtina edib. A.İsmayılov da 2017-ci il oktyabrın 2-də məhkəmənin binasında hakimin katibindən bu xəbəri eşidən kimi səs-küy salıb, qapını çırpıb çərçivəsini sındırıb, divarın suvağını töküb, hakimin və məhkəmə sədrinin ünvanına təhqir xarakterli ifadələr işlədib.
Amma İsmayılov son sözündə cinayət işinin saxtalaşdırıldığını bildirib. "Mən narkotik tərkibli dərmanların apteklərdə açıq satışı, kazino-qumarxanaların Bakıda fəaliyyəti, yumurta mafiyasının ölkə iqtisadiyyatına vurduğu zərbə barədə çıxışlarıma, yazılarıma görə qəzəbə tuş gəlmişdim. Ən əsas səbəb isə Milli Onkologiya Mərkəzində baş verən korrupsiyanı, biabırçılıqları ictimailəşdirməyim oldu. Mənə qarşı baş verənlərin əsas günahkarı Zakir Qaralov, Fikrət Məmmədov, Əli Həsənovdur. Başa düşdülər ki, Aslan İsmayılovu hədə-qorxu ilə dayandırmaq mümkün deyil, bu yollara əl atdılar", deyə İsmayılov bildirib.
O qeyd edib ki, ona qarşı işin sifarişçiləri baş prokuror Zakir Qaralov və dövlət başçısının köməkçisi Əli Həsənovdur.
İsmayılovun sözlərinə görə, prokurorluq onun həbsinə nail olmaq istəyirdi. Cinayət işində 48 səhifəlik sənəd var. Sənəddəki bütün materiallar guya bir gündə - oktyabrın 2-də toplanıb, bu, 48 saat ərzində belə mümkün deyil. Bu da saxtakarlığa dəlalət edir.
ismayılov deyib ki, apellyasiya şikayəti verəcək.
Xatırladaq ki, iyulun 31-də Bakının Səbail rayon məhkəməsi də İsmayılov barəsində ittiham hökmü çıxarıb, onu 147.2-ci (ağır cinayət törətmək haqqında böhtan) maddə ilə təqsirli bilib. Bununla məhkəmə "Xəmsə" şadlıq evinin sahibi Mürvət Həsənovun iddiasını qismən təmin edib və İsmayılovu 1,5 il müddətinə islah işlərinə cəlb edib. Bu müddət ərzində İsmayılovun gəlirindən dövlətin xeyrinə 15% tutulacaq. İsmayılov bu işi də "sifarişli" adlandırıb. -06D-
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz