Mətbbuat-Monitorinq 19.02.13

Rəsmi qəzetlər Ağsaqqallar Şurasının qurultayı haqda yazırlar. Bu qəzetlərdə dövlət başçısı İlham Əliyevin Qazax rayonunun sosial-iqtisadi inkişafı üçün 6,9 milyon manat vəsait ayırması haqda sərəncamın mətni dərs olunub. Bu qəzetlər yazıçı Əkrəm Əylilsi, aparıcı müxalifət qüvvələri və AXCP sədri Əli Kərimliyə qarşı qaralama, böhtan kampaniyasını davam etdirilər.

“Azadlıq” qəzeti ölkənin ən böyük inhisarçılarından biri kimi tanınan nazir Kəmaləddin Heydərovun ölkəyə parça gətirilməsini inhisara almasını manjetə çıxarıb.

İctimai-siyasi blokda AXCP gənclərinin lideri Əbülfəz Qurbanlı 12 yanvar etiraz aksiyasında iştiraka görə məhkəmənin cərimə qərarını ödəmədiyi üçün məhkəmə icraçılarının evinə zorla girərək xalçaları apardıqları bildirilir.  

“Facebook” şəbəkəsində bir neçə tələbə ölkədə təhsilin səviyyəsinə etiraz olaraq tələbələrə fevralın 27-də evdə oturub dərsə getməməklə təhsili boykot çağırışı edib. 

Eks-prezident Əbülfəz Elçibəyin oğlu Ərturqut Əliyev onun adından iş üçün deputatlara müraciət etməsi xəbərinə “heç kəsə ağız açmamışam və açmayacağam” bəyanatını verib.

REAL Hərəkatı hərəkatın lideri İlqar Məmmədovun həbsini “qisas almaq məqsədilə edilən həbs” kimi dəyərləndirir.

“Zerkalo” Şəmkir rayonunda xüsusi mülkiyyət hüquqlarının pozulmasının kütləvi xarakter almasına “həyat yox, şablon” mövqeyini ifadə edir.   

“Ekspress” TQDK-nın II sinif üçün dərsliyi yararsız sayması, Təhsil Nazirliyinin isə bu qərarı “haqsız və qeyri-ciddi adlandırması” məsələsini manjetə çıxarıb.

Musiqi Akademiyasının rəhbəri Fərhad Bədəlbəyliyə görə, “ermənilər millət yox, təşkilat olduğu üçün” Qarabağ münaqişəsinin tənzimlənməsində xalq diplomatiyası səmərə verməyəcək.

Rus politoloqu Vladimir Yevseyev savaş Qarabağdan kənara çıxdığı halda Rusiyanın mütləq savaşa qoşulacağını bəyan edib. 

“Novoe Vremya” Avropa qurumlarının rəsmi Bakını götürdüyü öhdəliklərə formal yanaşmasını ciddi tənqid etməsinə cavab olaraq iqtidara “bir işə girişdinsə, çətindir demə” mesajını verir. 

“Bizim yol” barəsində həbs qətimkan tədbiri seçilən eçmiş deputat Gülər Əhmədovanın bütün obyektlərinin əlindən alındığını, qızıllarını “su qiyməti”nə satışa çıxardığını nəzərə çatdırır.

Göygöl rayon İcra Hakimiyyətinin başçısı Arif Seyidov şikayətçiləri söyüb, qaynı və köməkçisi isə bir şikayətçini döyüb. 

Avropa İttifaqının nümayəndəsi Petter Stano rəsmi Bakıya “ qurumun inasan haqları, qanunun aliliyi, azadlıqlar sahəsində güzəştə getməyəcəyi” bəyanatını səsləndirib.        

“Yeni Müsavat” mərhum dövlət başçısı Heydr Əliyevin ən sədaqətli adamlarından “Laba” ləqəbli Mübariz Pənahovun əmlakının tamamilə yağmalandığını ilk plana çıxarıb. 

Lənkəran şəhər təşkilatının ardınca Müsavat Partiyası Sumqayıt şəhər təşkilatının da ofisi əlindən alınıb. 

12 yanvar aksiyasında iştiraka görə cərimə edilən iştirakçıların 23-nün cəriməsi ödənilib, ianələrin bir qismi əsgər ailələrinə verilib, 5 nəfər isə cərimə qərarını əsassız sayaraq ödəməkdən imtina edir.

Dövlət başçısı İlham Əliyevin xəbərdarlığına baxmayaraq, bir qrup iş adamı Vergi Audit Departamentinin iş adamlarını incitdiyini açıqlayıb.