Mətbuat İcmalı-02.02.13

Qəzetlərin baş məqalələri müxtəlif mövzulara həsr olunub. Rəsmi iqtidaryönümlü qəzetlər prezidentin sərəncamları və hökumətin tərifi olan məqalələri birinci səhifəsinə çıxarıb. Müxalifətyönümlü  və müstəqil qəzetlər isə Ermənistanda prezidentliyə namizədin güllələnməsi, İran hakerlərinin Azərbaycan banklarının kodunu açaraq pulları oğurlaması, İsmayıllıda baş verən hadisələrin nəticələri və başqa yazıları baş məqalə yerində dərc edib. 

Qəzetlərin hamısı Əkrəm Əylislinin “Daş yuxular” romanı ilə bağlı yazılar, şərhlər və münasibətləri çap edib.

“Azadlıq” qəzeti Əkrəm Əylisliyə qarşı təzyiqlərin əleyhinədir. Qəzet yazıçını müdafiə edən çoxsaylı insanların fikirlərini dərc edib. Əkrəm Əylisli bildirib ki, təzyiqlərə baxmayaraq, ölkəni tərk etmək fikrində deyil.  

Parlamentdə 37-ci il havası başlıqlı yazıda Milli Məclisdə deputatların “Daş yuxular”a hücumu pislənir. Digər yazının müəllifi qeyd edir ki, “Əkrəmin atdığı daş... parlamenti yuxudan oyatdı”. 

“İsmayıllı olyaları” Avropa Parlamentinə çıxarılır 

“Arabulun gedişi ölkəyə 400 milyona başa gəldi” məqaləsində deyilir ki, Əliyev hökuməti dotasiyasız işləyən şirkəti deyil, büdcəsinə milyonlarla ziyan vuran şirkəti bəyənir. Məqalədə “Bakıelektrikşəbəkə” Açıq Tipli Səhmdar Cəmiyyətin ziyanlarından danışılır.

Fantastik cərimələr YAP-çılara niyə şamil olunmadı? deyə qəzet sual edir. Məqalədə Əkrəm Əylislinin evinin qarşısında qanunsuz aksiya keçirən YAP-çılardan danışılır. 

“Bizim Yol” qəzeti yazır ki, Əkrəm Əylislini yandırmaq təklifi səslənib. İctimai xadim Gültəkin Hacıbəyli ölkədəki hazırki ağır duruma işarə edərək bildirib ki, “onu yandırıb külünü bütün ölkənin üzərinə səpmək lazımdır ki, ölkə ağ günə çıxsın”. 

“Əsgər ölümlərinin səbəbkarı Əkrəm Əylislidsir”, - deyə o ironiya ilə bildirib. 

Azərbaycan Yazıçılar Birliyi “Daş yuxular”ı müzakirəyə çıxaracaq. 

Qəzet politoloq Ərəstun Oruclunun “Etnik nifrət və etnik natamamlıq kompleksi” məqaləsini dərc edib. “Etnik nifrət çox iyrənc şeydir, onun ən iyrənc forması isə mənsub olduğun etnosa nifrətdir”, deyə müəllif qeyd edir. 

“Yeni Müsavat” qəzeti parlament müzakirələrini “Əkrəm Əylisli parlamentdə daş-qalaq edildi” başlığı altında dərc edib. 

Milli Məclisin deputatı, “Azəryolservisin” prezidenti Cavid Qurbanov deyib ki, ermənilər onun kəndi Ağdabana hücum edib 48 nəfər dinc sakini öldürüb. Onların 16 nəfəri deputatın qohumlarıdır. C.Qurbanov bu səbəbdən “Daş yuxular” romanını yazan Əkrəm Əylisli barədə deyib: “O, ermənidir, onun adı Akopdur”. 

Qəzet Ana Vətən Partiyasının sədri, Milli Məclisin deputatı Fəzail Ağamalının “Lənətlənmiş ruhların daşıyıcısı” adlı məqaləsini dərc edib. “Nə qədər nadan, nə qədər kor, kar olasan ki, tarixi demirəm, ən azı son 40-50 ilin hadisələrinə bu cür qərəzli yanaşasan”, deyə F.Ağamalı qeyd edir. 

Jurnalist Azər Rəşidoğlu “Anti-Əkrəm şousunun arxasında görünən sifət...” məqaləsi ilə çıxış edib. “Xalq Qarabağ məsələsində sarpmaları heç kəsə bağışlamır, hətta ən nəhəng vətəndaşına da”, deyə müəllif yazır.

“Ekspress” qəzeti ““Daş yuxular” topa tutuldu” məqaləsini parlamanet müzakirələrinə həsr edib. 

Qəzet  həmçinin ““Daş yuxular” tabuta qoyuldu” adlı məlumatını və Əkrəm Əylisliyə istinadən “Bədii ədəbiyyatdan siyasi təmənnalar güdürük” məqaləsini dərc edib. 

“Yeni Azərbaycan” qəzeti Əkrəm Əylislinin tənqidi olan çoxsaylı iqtidar adamının mövqelərini dərc edib. 8 səhifəlik qəzet 4 səhifəsini “Daş yuxular”ın əleyhinə həsr edib. Qarşı tərəfin mövqeyi yoxdur. 

Rəsmi qəzetlər də Əkrəm Əylislinin əleyhinə məqalələrlə çıxış edib. O cümlədən “Ayna”, “Zerkalo”, “525-ci əqzet” və başqa nəşrlərdə də “Daş yuxular” romanı ilə bağlı məqalələr dərc edilib. 

Azadlıq 

“İsmayıllı olyaları” Avropa Parlamentinə çıxarılır 

“Arabulun gedişi ölkəyə 400 milyona başa gəldi” məqaləsində deyilir ki, Əliyev hökuməti dotasiyasız işləyən şirkəti deyil, büdcəsinə milyonlarla ziyan vuran şirkəti bəyənir. Məqalədə “Bakıelektrikçəbəkə” Açıq Tipli Səhmdar Cəmiyyətin ziyanlarından danışılır.

Fantastik cərimələr YAP –çılara niyə şamil olunmadı? deyə qəzet sual edir. Məqalədə Əkrəm Əylislinin evinin qarşısında qanunsuz aksiya keçirən YAP-çılardan danışılır. 

«Exo»: Azərbaycanda pulsuz hüquqi yardım lazımdırmı? Ekspertlerin fikrincə öz müştərilərinə yardım göstərməkdə maraqlı olmayan təyinatlı vəkil sistemindən imtina edilməlidir.