Cümə günü axşam Azərbaycanın Varşavadakı səfirliyi qarşısında yerli hüquq müdafiəçilərinin və azərbaycanlıların etiraz aksiyası keçirilib.
30 aksiya iştirakçısı yanvarın 26-da Bakıda etiraz aksiyası zamanı həbs edilmiş gənc fəalların azad edilməsini tələb ediblər.
Aksiya iştirakçısı Xalisə Şahverdinin Turan-a verdiyi məlumata görə, noyabrın 26-da həbs edilmiş bloger Emin Milli Varşavada açılan Personal Democracy Forum adlı konfransda çıxış etməli idi.
Bu tədbirin iştirakçıları – müxtəlif ölkələrdən blogerlər, hüquq müdafiəçiləri və vətəndaş cəmiyyəti nümayəndələri Millinin həbsinə etiraz etmək və onun və bütün digər həbs olunanların dərhal azad edilməsini tələb etmək üçün Azərbaycan səfirliyinin önünə gəliblər.
Onlardan başqa aksiyada Azərbaycan nümayəndələri – Xalisə Şahverdi, Arzu Qeybullayeva, Mübariz Rəhimli də iştirak ediblər. Onlar Azərbaycan, polyak və ingilis dillərində Azərbaycanda demokratiya və vətəndaş azadlıqlarının təmin edilməsi tələbi ilə plakatlar hazırlayıblar.
Personal Democrasy konfransı zamanı iştirakçılar Azərbaycandakı vəziyyətlə bağlı narahatlığı əks etdirən bəyanat qəbul ediblər. Piket iştirakçıları bu bəyanatın mətnini Azərbaycan səfirliyinə təqdim ediblər. -16D-
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz