Mətbuat İcmalı -26.08.13
Şənbə və bazar günü qəzetlərinin əsas mövzusu prezident seçkiləri olub. Rəsmi qəzetlər birinci səhifələrində prezidentin imzaladığı sərəncamları dərc ediblər və birinci ledinin ad günü münasibəti ilə onun barəsində geniş məqalələr dərc ediblər. Müxalifət qəzetlərinin baş məqalələri Milli Şura və bu qurumun yeni vahid namizədi Cəmil Həsənli olub.
“Azadlıq”
Avqustun 26-da Müsavat Partiyasının divanı bu qurumun sədri İsa Qəmbərin prezidentliyə namizədliyi ilə bağlı yekun qərar verəcək.
EL Hərəkatının lideri Eldar Namazov Milli Şuranın üzvü Əflan İbrahimovu yalan danışmaqda günahlandırıb. Ə.İbrahimov mediada Milli Şuranın iğtişaş yaratmaq istədiyini bildirib. E.Namazov xatırladıb ki, bilə-bilə yalan danışmağa görə Cinayət Məcəlləsində 3 ildən 8 ilədək həbs nəzərdə tutulub.
Tanınmış hüquqşünas Müzəffər Baxışov bildirib ki, Azərbaycan hakimiyyəti sabiq səhiyyə naziri Əli İnsanovla bağlı Avropa İnsan Hüquqları Məhkəməsinin qərarını yerinə yetirib onu azadlığa buraxmasa Avropa Şurasında fəaliyyəti dayandırıla bilər və ya digər xəbərdaredici sanksiyalar tətbiq edilə bilər.
Rüstəm İbrahimbəyov bildirib ki, keçmiş xarici iqtisadi əlaqələr naziri Nicat Quliyevi onunla telefon danışığı olduğuna görə həbs ediblər. “Nicat Quliyev bir neçə dəfə mənə zəng edib. Ona görə də onun bağına silah-sursat, top-tüfəng atıb türməyə basdılar”.
Qəzet Milli Şuranın prezidentliyə vahid namizədi Cəmil Həsənli ilə “Hakimiyyət xalqın müxalifəti ilə qarşılaşıb” başlıqlı müsahibə dərc edib. “hakimiyyət üçün bir nömrəli hədəf Ermənistan yox, müxalifətdir”, o qeyd edib.
Qəzet Qafqaz Müsəlmanları İdarəsinin sədri Hacı Allahşükür Paşazadəni siyasətlə məşğul olmaqda günahlandırıb. Məqalədə Paşazadənin Qafqaz Ali Dini Şurasının iclasını keçirməsi və bu şuranın İlham Əliyevə dəstək müraciəti qəbul etməsini tənqid edir. “Dindarları siyasətə qarışmamaq çağırışı edən Paşazadə İlham Əliyevin təbliğatı ilə məşğuldur”.
“Azərinşaat” şirkəti ilə bağlı nəqliyyat naziri Ziya Məmmədovla Beynəlxalq Bankın prezidenti Cahangir Məmmədov arasında qarşıdurma yaşanır. Beynəlxalq Bank Ziya Məmmədova məxsus “Azərinşaat” şirkətinin ərazisini ələ keçirib.
Həbsdə olan dindar Tale Bağırzadə yenidən cəzaçəkmə kamerasına salınıb. Vəkil Cavad Cavadov bunu desə də cəzaçəkmə kamerasına salınmanın səbəblərini bilmir.
Türkiyə səfirliyinin keçmiş mətbuat müşaviri Turqut Ər qəzetə müsahibəsində demokratik qüvvələrin böyük qələbə qazanacağını deyib. “İlham Əliyevi Qəddafinin, Mübarəkin aqibəti gözləyir”.
Gəncədə seçki ilə bağlı vətəndaşların şəxsiyyət vəsiqəsi yığılır.
“Yeni Müsavat”
Cavid Hacıbəyli Müsavat Gənclər Təşkilatının sədri seçilib.
“Bulla-Dəniz qaz yatağındakı yanğın söndürülüb.
Moldovanın ombudsmanı Aurelia Qriqoriuya “Heydər Əliyev” adına qızıl medal verilib. Ombudsman Yerevanda Ermənistan parlamentindəki çıxışında bu dövlətin Azərbaycan ərazilərini işğal etdiyini və Xocalı qətliamını törətdiyini bildirib.
Həbsdə olan keçmiş iqtisadi inkişaf naziri Fərhad Əliyev müraciət yayıb. O, müraciətində hüquqlarını müdafiə komitəsinin sədri, uzaq qohumu Cəmil Həsənliyə minnətdarlıq bildirir. Amma Fərhad Əliyev seçkilərdə hazırkı prezident İlham Əliyevi dəstəklədiyini bildirib.
F.Əliyev 2005-ci ildə İlham Əliyevin hakimiyyəti dövründə əvvəlcə dövlət çevrilişinə cəhdə hazırlıqda, sonra isə iqtisadi cinayətlərdə ittiham edirik 10 həbs edilib. Onun qardaşı Rafiq Əliyev də həbsdədir.
Qəzet Milli Şuranın prezidentliyə yeni vahid namizədi Cəmil Həsənli ilə geniş müsahibə dərc edib. “Korrupsiya ölkədə Qarabağ boyda böyük dərdə çevrilib”.
-
- İqtisadiyyat
- 26 Avqust 2013 12:40
-
- İqtisadiyyat
- 26 Avqust 2013 13:06
Cəmiyyət
-
Oktyabrın 3-də paytaxtda hava buludlu olacaq, gecə bəzi yerlərdə yağış yağacaq. Şimal-qərb küləyi əsəcək. Havanın temperaturu gecə müsbət 14+18, gündüz müsbət 20+25 dərəcə olacaq. Rütubət gecə 70-75, gündüz 55-60 faiz olacaq.
-
Dövlət Sərhəd Xidməti 2024-cü ilin sentyabr ayında görülmüş işlərlə bağlı məlumat yayıb. Məlumata görə, dövlət sərhədlərini pozan 64 nəfət saxlanılıb. Bu şəxslərin 40 nəfəri Pakistan vətəndaşıdır. Sərhəd rejimini pozan 747 nəfərin barəsində müvafiq tədbirlər görülüb.
-
Sentyabr ayı ərzində Azərbaycanın azad olunmuş ərazilərində 478 tank əleyhinə mina, 289 piyada əleyhinə mina, 3301 partlamamış hərbi sursat (PHS) aşkarlanıb və zərərsizləşdirilib.
-
Astara Gömrük İdarəsinin əməkdaşları tərəfindən Azərbaycan ərazisindən tranzit keçməklə İrandan Rusiyaya külli miqdarda psixotrop vasitənin aparılmasının qarşısı alınıb.
Rəy yaz