Qəzetlərin baş məqalələri müxtəlif mövzulara həsr olunub. Rəsmi və iqtidaryönlü qəzetlər prezidentin təbrikini və ölkədə uğurlu iqtisadi inkişafdan bəhs edən yazıları birinci səhifəsində dərc edib. Müstəqil və müxalifətyönlü qəzetlər isə korrupsiya, iqtidardaxili qruplaşmalar arasındakı kəskin münasibətlər, Elşad Abdullayevin yeni müraciəti ilə bağlı baş məqalələr verib.
“Azadlıq”
Prezident Administrasiyasının rəhbəri Ramiz Mehdiyevin başçılıq etdiyi Korrupsiyaya qarşı Mübarizə Komissiyasının iclasında təhsil sahəsində problemlər müzakirə edilib. Qəzet hesab edir ki, Beynəlxalq Universitetin keçmiş rektoru Elşad Abdullayevin Ramiz Mehdiyevi ittiham edən videolarından sonra təhsil nazirinin tənqidi təsadüfi deyil. Bununla Ramiz Mehdiyev Paşayevlərə mesaj ünvanlayır.
Müdafiə naziri Səfər Əbiyevin tərəfdarlarının nazirliyin fəaliyyətinin yarıtmaq olması ilə bağlı imza kampaniyası aparan Ehtiyatda olan Zabitlər Birliyinə qarşı bəyanat yayması deputatlar tərəfindən tənqid olunub. Deputatlar Səyavuş Novruzov və Zahid Oruc Müdafiə Nazirlinin strukturunda olan zabitlərin bəyanatını səhv addım sayır. “Ordu Müdafiə Nazirliyində işləyən zabitlərin deyil, xalqındır”, Səyavuş Novruzov bildirib.
“Yeni Müsavat”
Əkrəm Əylisinin “Daş yuxular” romanı geniş tənqidlərlə qarşılanıb. Qəzet müxtəlif ictimai-siyasi xadimlərin romanda ermənilərə rəğbət pisləyən fikirlərini dərc edib.
Müsavat Partiyasının başqan müavini Tofiq Yaqublu hər an həbs edilə bilər. İstintaq orqanı T.Yaqublunun və REAL hərəkatının həmsədri İlqar Məmmədovun İsmayıllıda əhali arasında polisə müqavimət göstərmələri ilə bağlı təbliğat apardığını bildirib.
26 yanvar aksiyasına görə sutkalıq həbs edilən gənclərlə görüşə imlan verilmir. Gənclərlə görüş üçün Qırmızı Xaç Komitəsinə müraciət edilib.
“Bakı Xəbər”
Klassik Xalq Cəbhəsi Partiyasının sədri Mirmahmud Mirəlioğlu deyib ki, prezident seçkilərində namizəd olacaq.
“Yeni Azərbaycan”
Qəzet bir səhifəsini bütövlükdə etirazların qeydə alındığı İsmayıllı rayonuna həsr edib. Məqalədə rayonda baş verən etirazlar və onun səbəblərindən danışılmır. “İsmayıllı rayonu gün-gündən inkişaf edir” başlıqlı məqalədə rayonda əhalini xoşbəxt edən iqtisadi tərəqqidən, yeni yaradılan iş yerlərindən, bir sözlə “problemsiz” İsmayıllıdan söz açılır.
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz