Azərbaycan hakimiyyəti İsmayıllı şəhərində iştişaşlar və etirazlarla bağlı bütün saxlanılanların vəkili olduğuna və onlarla amansız rəftar olunmadığına zəmanət verməlidir. Hakimiyyət həmçinin müstəqil müşahidəçilərin İsmayıllıya çıxışını təmin etməlidir, deyə Human Rights Watch hüquq-müdafiə təşkilatının bəyanatında bildirilir.
Bəyanatda qeyd edilir ki, üç vəkil prosessual normaların pozulduğunu və həbsxanada məhbusun döyüldüyünü bildiriblər. Yanvarın 29-da İsmayıllıda polis monitorinq aparan 20 hüquq müdafiəçisindən ibarət qrupun qarşısını kəsib.
Təşkilat hakimiyyəti İsmayıllı hadisələrinin açıq və obyektiv araşdırılmasını təmin etməyə və qanuniliyə və polisin əməllərinə qiymət verməyə çağırıb.
Human Rights Watch nümayəndəsi Georgi Qogiya hakimiyyəti dinc nümayişçilərə qarşı uyğun olmayan güc tətbiqindən yayınmağa çağırıb. “Azərbaycan Avropa Şurasının tövsiyələrinə qulaq asmalı və dinc yığıncıqlar qadağasına son qoymalı, fikirlərini ictimai şəkildə ifadə etdiyinə görə həbs edilən bütün şəxsləri azad etməli, habelə hüquq-mühafizə orqanlarının fəaliyyətini araşdırmalıdır”, deyə Qogiya bildirib. -02D-
Siyasət
-
"Azərbaycan və Ermənistandan olan bir qrup hidroloq və mühəndis bizim fəal dəstəyimizlə transsərhəd çaylar üçün inteqrasiya olunmuş su idarəçiliyi sxemi üzərində birgə işləyir", bu barədə noyabrın 12-də ABŞ-ın Azərbaycandakı səfiri Mark Libbi X sosial şəbəkəsindəki hesabında yazıb.
-
Prezident Baydenin administrasiyasının səlahiyyət müddətinin başa çatdığı nəzərə alınmaqla, dövlət katibi Entoni Blinken avropalı həmkarları ilə Ukraynanı necə dəstəkləyə biləcəklərini müzakirə etmək üçün Brüsselə təcili səfərə yola düşür.
-
Bakı Şəhər İcra Hakimiyyətinin. Baçğşçısı Eldar Əzizov bu il oktyabrın 22-də güclü yağışlar nəticəsində yol keçidlərini, tunelləri və çoxsaylı küçələri sel basması ilə baglı bildiribki, yağışlar nəticəsində kanalizasiya xətləri sel sularını götürə bilməyib.
-
ABŞ bərpa olunan enerji mənbələrinə keçiddə Azərbaycan da daxil olmaqla, bütün ölkələrə kömək etməyə hazırdır. Bu barədə COP29 çərçivəsində keçirilən brifinqdə ABŞ-ın İqlim məsələləri üzrə milli müşaviri Ali Zaidi neft və qazdan təmiz enerji növlərinə keçiddə ABŞ-ın Azərbaycana necə kömək edə biləcəyi haqqında Turan-ın sualına cavabda bildirib.
Rəy yaz