Mətbuat-Monitorinq 01.05.13
Rəsmi və hökumətyönlü qəzetlər dövlət başçısı İlham Əliyevin görüşləri haqda yazırlar. Bundan əlavə, mərhum dövlət başçısı Heydər Əliyevin 90 illik yubileyi ilə bağlı bu qəzetlərdə çoxsaylı məqalələr dərc edilib.
Bununla yanaşı rəsmi qəzetlər müxalifətin və iqtidardan narazı elektoratın təmsil edən ictimai qüvvələrin qurumlarına və rəhbərlərinə böhtan olan yazılar dərc ediblər.
“Azadlıq” qəzeti PA rəhbəri Ramiz Mehdiyevin İranda Qərbi, Prezident yanında Strateji Araşdırmalar Mərkəzinin Vaşinqtonda İranı “vurmasını” rəsmi Bakının “balanslı” siyasətinin iflasa uğraması, sistemli xarici siyasətin olmaması”, bu məsələdə iqtidarın iki yerə parçalanması sayaraq manjetə çıxarıb.
İnsan haqları sahəsində durum: 2009-cu ildə Neft Akademiyasında baş vermiş terror qurbanlarının xatirəsini yad etmək üçün dünən keçirilən aksiyanı polis dağıdıb, bəzi gənclərə 10 sutka inzibati cəza verilib.
BMT-nin Cenevrə toplantısında 30-a qədər ölkə Azərbaycanı korrupsiyaya, əsassız həbslərə, işgəncələrə görə kəskin tənqidə məruz qoyub.
Rusiya FDX əməkdaşları Azərbaycan Beynəlxalq bankının Sankt-Peterburq filialına basqın edib, bank rəhbərliyi basqının səbəbləri haqda açıqlama vermir.
“Zerkalo” PA rəhbəri Ramiz Mehdiyevin Tehran səfərinin nəticəsiz başa çatdığını bildirərək bunu “yerinə yetməmiş missiya” adlandırır.
“Ekspress” ölkənin torpaq fondunun 3,6 milyon ha-nın erroziyaya uğradığını, 1 ha-nın isə şoranlaşdığını bildirir.
Cənubi Qafqazda HİV-ə yoluxmuş xəstələrin sayı ən çox Azərbaycanda artır, hazılrda ölkədə 3784 belə xəstə qeydə alınıb.
“Novoe Vremya” rəsmi Bakının vahid xarici siyasət xətti olmamasını PA rəhbəri R.Mehdiyevin İrana səfəri fonunda “Çoxsəsli Azərbaycanın xarici siyasəti: harmoniya, yoxsa dissonans?” sərlövhəsilə nəzərə çatdırır.
“Bizim yol” PA rəhbəri Ramiz Mehdiyevin İranda Qərb əleyhinə bəyanatlarını “xarici siyasətdə görünməmiş olay” adlandıraraq ilk səhifəyə çıxarıb.
“Yeni Müsavat” dövlət başçısının şəxsi mühafizə rəhbəri Bəylər Əyyubova qruplardan birinin həbsə alınmasını “iqtidardaxili bir “razborkanın təfərrüatları” sayaraq manjetə çıxarıb.
PA-nın İranda antiqərb bəyanatlarını siyasi ekspertlər “iqtidar daxilində böyük çaşqınlığın olması” kimi şərh ediblər.
-
- Siyasət
- 1 May 2013 13:04
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz